Buxoroda haydovchi Cobaltʼni qasddan YPX xodimi ustiga haydashi, Toshkent viloyatidagi bog‘chada ilonlar bilan tomosha ko‘rsatgan shaxs jazolanishi, Toshkentda 20 yoshli qizni o‘g‘irlamoqchi bo‘lgan shaxslar ushlanishi — “Daryo” nashri bugun, 30-yanvarda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekiston, Turkiya va Ozarbayjon o‘rtasida Anqara deklaratsiyasi imzolandi
Baxtiyor Saidovning qayd etishicha, bu do‘stlik va hamkorlikni mustahkamlash yo‘lidagi muhim qadam bo‘ldi.
Qozog‘istondan O‘zbekistonga olib kelinayotgan 43 vagon kartoshka chiridi
Bir vagonda 68 tonna sabzavot bo‘lgan. Ular hatto jonivorlar uchun ham yaroqsiz holga kelgan.
Buxoroda haydovchi Cobalt’ni qasddan YPX xodimi ustiga haydadi
Unga nisbatan jinoyat ishi qo‘zg‘atildi.
Andijon tumanida kitobxon ayollarga yarim yillik kommunal to‘lovlar to‘lab beriladi
Tumanda 20 yoshdan 45 yoshgacha bo‘lgan onalar o‘rtasida har chorakda bir “Ma’rifatli ona” kitobxonlik tanlovi o‘tkaziladi.
Shavkat Mirziyoyev Toshkentdagi Islom Karimov haykali poyiga gulchambar qo‘ydi
Marosimda Oliy Majlis palatalari, Prezident administratsiyasi va hukumat vakillari, ziyolilar va shahar jamoatchiligi ham qatnashdi.
O‘zbekistonda tergov jarayonida shaxsning huquq va erkinliklarini himoya qilish kuchaytiriladi
Jinoyat ishlari bo‘yicha tuman, shahar sudlarida tergov sudyasi lavozimi qonunan joriy etildi.
Toshkent viloyatidagi bog‘chada ilonlar bilan tomosha ko‘rsatgan shaxs jazolandi
Tomoshada foydalanilgan 2 ta zaharli kobra Toshkent hayvonot bog‘iga topshirildi.
O‘zbekistonda alkogol mahsulotlarini ishlab chiqarish tartibi belgilandi
Ularni chet elda ishlab chiqarilgan iste’mol etil spirti hamda texnik etil spirtidan foydalangan holda ishlab chiqarish taqiqlandi.
O‘zbekistonda giyohvandlik vositalarini dorixonalar orqali realizatsiya qilish tartibi belgilandi
Retsept blankasida shifokor tomonidan faqat bitta nomdagi giyohvandlik vositasi miqdori 7 kunlik ehtiyojdan oshirilmagan holda yozilishi kerak.
Istanbulda qo‘lbola alkogoldan vafot etgan o‘zbekistonliklar soni 23 nafarga yetdi
Qurbonlarning ikki nafari ayol kishi.
Chetdan olib kelinadigan urug‘lik kartoshka uch yilga bojxona bojidan ozod qilinadi
Prezident tomorqada va ijaraga berilgan ekin yerlarida daromadli mahsulot yetishtirishning yangi tizimi bo‘yicha yig‘ilish o‘tkazdi.
Buxorodagi Muruvvat uyi shubhali tender o‘tkazdi. Xarid komissiyasi raisi esa o‘zi imzolagan hujjatdan bexabar
“Daryo” muxbiri xarid komissiyasi raisi Dilmurod Xodjiyev bilan bog‘landi. U o‘tkazilgan ushbu tenderdan xabari yo‘qligi va hujjatni o‘zi imzolamaganini bildirdi.
Shavkat Mirziyoyev “Lukoyl” kompaniyasi asoschisi bilan uchrashuv o‘tkazdi
Kompaniyaning mamlakatdagi faoliyatini kengaytirish rejalari yuzasidan fikr almashildi.
Shavkat Mirziyoyev aviahalokat yuzasidan Donald Trampga ta’ziya yo‘lladi
Davlat rahbari marhumlarning oila aʼzolari va yaqinlariga chuqur hamdardlik izhor etdi.
Alibaba Cloud kompaniyasi O‘zbekistonda QQS to‘lovchisi sifatida ro‘yxatdan o‘tdi
Bugunga kelib O‘zbekistonda 65 ta chet el internet kompaniyalari ro‘yxatdan o‘tgan.
Toshkentda 20 yoshli qizni o‘g‘irlamoqchi bo‘lgan shaxslar ushlandi
Holat yuzasidan jinoyat ishi ochilib, gumonlanuvchilar qamoqqa olingan.
Jizzaxda avtobus va yo‘l tozalaydigan maxsus transport vositasi ishtirokida YTH sodir bo‘ldi (foto, video)
Hodisa oqibatida uch kishi jarohatlandi.
Izoh (0)