Бухорода ҳайдовчи Cobalt’ни қасддан ЙПХ ходими устига ҳайдаши, Тошкент вилоятидаги боғчада илонлар билан томоша кўрсатган шахс жазоланиши, Тошкентда 20 ёшли қизни ўғирламоқчи бўлган шахслар ушланиши — “Дарё” нашри бугун, 30 январда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистон, Туркия ва Озарбайжон ўртасида Анқара декларацияси имзоланди
Бахтиёр Саидовнинг қайд этишича, бу дўстлик ва ҳамкорликни мустаҳкамлаш йўлидаги муҳим қадам бўлди.
Қозоғистондан Ўзбекистонга олиб келинаётган 43 вагон картошка чириди
Бир вагонда 68 тонна сабзавот бўлган. Улар ҳатто жониворлар учун ҳам яроқсиз ҳолга келган.
Бухорода ҳайдовчи Cobalt’ни қасддан ЙПХ ходими устига ҳайдади
Унга нисбатан жиноят иши қўзғатилди.
Андижон туманида китобхон аёлларга ярим йиллик коммунал тўловлар тўлаб берилади
Туманда 20 ёшдан 45 ёшгача бўлган оналар ўртасида ҳар чоракда бир “Маърифатли она” китобхонлик танлови ўтказилади.
Шавкат Мирзиёев Тошкентдаги Ислом Каримов ҳайкали пойига гулчамбар қўйди
Маросимда Олий Мажлис палаталари, Президент администрацияси ва ҳукумат вакиллари, зиёлилар ва шаҳар жамоатчилиги ҳам қатнашди.
Ўзбекистонда тергов жараёнида шахснинг ҳуқуқ ва эркинликларини ҳимоя қилиш кучайтирилади
Жиноят ишлари бўйича туман, шаҳар судларида тергов судьяси лавозими қонунан жорий этилди.
Тошкент вилоятидаги боғчада илонлар билан томоша кўрсатган шахс жазоланди
Томошада фойдаланилган 2 та заҳарли кобра Тошкент ҳайвонот боғига топширилди.
Ўзбекистонда алкоголь маҳсулотларини ишлаб чиқариш тартиби белгиланди
Уларни чет элда ишлаб чиқарилган истеъмол этил спирти ҳамда техник этил спиртидан фойдаланган ҳолда ишлаб чиқариш тақиқланди.
Ўзбекистонда гиёҳвандлик воситаларини дорихоналар орқали реализация қилиш тартиби белгиланди
Рецепт бланкасида шифокор томонидан фақат битта номдаги гиёҳвандлик воситаси миқдори 7 кунлик эҳтиёждан оширилмаган ҳолда ёзилиши керак.
Истанбулда қўлбола алкоголдан вафот этган ўзбекистонликлар сони 23 нафарга етди
Қурбонларнинг икки нафари аёл киши.
Четдан олиб келинадиган уруғлик картошка уч йилга божхона божидан озод қилинади
Президент томорқада ва ижарага берилган экин ерларида даромадли маҳсулот етиштиришнинг янги тизими бўйича йиғилиш ўтказди.
Бухородаги Мурувват уйи шубҳали тендер ўтказди. Харид комиссияси раиси эса ўзи имзолаган ҳужжатдан бехабар
“Дарё” мухбири харид комиссияси раиси Дилмурод Ходжиев билан боғланди. У ўтказилган ушбу тендердан хабари йўқлиги ва ҳужжатни ўзи имзоламаганини билдирди.
Шавкат Мирзиёев “Лукойл” компанияси асосчиси билан учрашув ўтказди
Компаниянинг мамлакатдаги фаолиятини кенгайтириш режалари юзасидан фикр алмашилди.
Шавкат Мирзиёев авиаҳалокат юзасидан Дональд Трампга таъзия йўллади
Давлат раҳбари марҳумларнинг оила аъзолари ва яқинларига чуқур ҳамдардлик изҳор этди.
Alibaba Cloud компанияси Ўзбекистонда ҚҚС тўловчиси сифатида рўйхатдан ўтди
Бугунга келиб Ўзбекистонда 65 та чет эл интернет компаниялари рўйхатдан ўтган.
Тошкентда 20 ёшли қизни ўғирламоқчи бўлган шахслар ушланди
Ҳолат юзасидан жиноят иши очилиб, гумонланувчилар қамоққа олинган.
Жиззахда автобус ва йўл тозалайдиган махсус транспорт воситаси иштирокида ЙТҲ содир бўлди (фото, видео)
Ҳодиса оқибатида уч киши жароҳатланди.
Изоҳ (0)