Markaziy bank asosiy stavkani yana 13,5 foiz darajasida o‘zgarishsiz qoldirishi, “Nazorat.uz” kanali maʼmurlari tovlamachilikda gumonlanib, qamoqqa olinishi, Tashkent Cityʼdagi 9 qavatli uyning tomi yonib ketishi, Buxoroda 33 yoshli ayol tug‘uruq vaqtida vafot etishi — “Daryo” nashri bugun, 23-yanvarda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
“Kerak bo‘lsa, borlig‘imni beraman” — Erkinjon Turdimov Sirdaryoni rivojlantirish haqida
Ushbu viloyat hokimi vazifasini bajaruvchi etib tayinlangan Turdimov Xalq deputatlari Sirdaryo viloyati kengashining navbatdan tashqari sessiyasida chiqish qildi.
Qashqadaryoda o‘qituvchilarga forma uchun pul yig‘ishga ko‘rsatma bergan maktab direktori jarimaga tortildi
Ijtimoiy tarmoqlarda direktorning videomurojaati tarqalgandi.
Markaziy bank asosiy stavkani yana 13,5 foiz darajasida o‘zgarishsiz qoldirdi
Qabul qilingan qaror inflyatsiya kutilmalarini barqaror pasayish trendiga qaytarishga qaratilgan.
Hokimlarning 2024-yilda mingga yaqin qarori sud tomonidan bekor qilindi
Eng ko‘p noqonuniy qarorlar Toshkent viloyati hokimliklariga tegishli bo‘lib, hududda amaldorlarning 426 ta qaroriga nisbatan shikoyat tushgan. Sudlar tomonidan qarorlarning 143 tasi noqonuniy deb topilib, bekor qilingan.
“Nazorat.uz” kanali ma’murlari tovlamachilikda gumonlanib, qamoqqa olindi
Uch kishiga nisbatan jinoyat ishi qo‘zg‘atilgan.
Toshkent—Hojikent elektropoyezdi qatnovi Chinorkentgacha uzaytirildi
Baytqo‘rg‘on—Parkent elektrlashtirilgan temiryo‘l qurilishi ham boshlandi.
Toshkent—Andijon pulli avtomobil yo‘lini qurish bo‘yicha tender o‘tkaziladi
Loyihaning birinchi bosqichida Toshkentdan Angrengacha avtomobil yo‘li va Qamchiq dovoni loyihalashtiriladi.
O‘zbekistonda fuqarolarga qurilish boshidan ipoteka va subsidiya olish imkoni beriladi
Obyektning 50 foizi qurilganda fuqarolar nafaqat imtiyozli, balki tijorat ipotekasi olishi mumkin bo‘ladi.
2025-yili 120 ming xonadonli ko‘p qavatli uylar qurilishi kutilmoqda
Yangi Toshkentda 15 ming xonadon barpo qilinadi va bu uylarda “yashil” energiyadan foydalaniladi.
O‘zbekistonda 2025-yili renovatsiya asosida 20 ming xonadon quriladi
Yangi uy-joy oladigan fuqarolarga o‘zi to‘lagan mablag‘ining bir qismi keshbek qilib qaytariladi.
“Agar byudjet taqchilligi bo‘lmasa, tashqi qarzni oshirishga muhtojlik qolmaydi” — Markaziy bank raisi Timur Ishmetov
Bu yil O‘zbekiston davlat qarzi 45 mlrd dollarga yetishi prognoz qilingan.
2024-yilda O‘zbekiston yalpi ichki mahsuloti 115 mlrd dollarga yetdi
Yil davomida mamlakat iqtisodiyoti 6,5 foiz o‘sgan.
Saida Mirziyoyeva UNICEF, UNESCO, UNDP, IHRT va Jahon banki vakillari bilan uchrashuv o‘tkazdi
Muloqot davomida taʼlim masalasiga yangi yondashuvlar — innovatsiyalar, zamonaviy metodikalar va jahon tajribasiga asoslangan yechimlar muhokama qilindi.
Shavkat Mirziyoyev Antoniu Koshtani Yevropa kengashi rahbari lavozimiga saylangani bilan tabrikladi
Samarqandda “Markaziy Osiyo — Yevropa ittifoqi” birinchi sammitiga tayyorgarlik ko‘rish va uni o‘tkazish bo‘yicha qo‘shma rejalar muhokama qilindi.
O‘zbekistondagi uchta OTM fanlar bo‘yicha nufuzli oliygohlar Top-1000 taligidan joy oldi
World University Rankings 2025 by Subject fanlar bo‘yicha dunyoning eng nufuzli oliygohlari ro‘yxati eʼlon qilindi.
Toshkentda beshta mashina ishtirokida YTH sodir bo‘ldi (foto)
Hodisa oqibatida tan-jarohat olganlar haqida xabar kelib tushmagan.
Tashkent Cityʼdagi 9 qavatli uyning tomi yonib ketdi (video)
Hodisa oqibatida halok bo‘lgan va jabrlanganlar yo‘q.
Buxoroda 33 yoshli ayol tug‘uruq vaqtida vafot etdi
Tibbiy hujjatlar yuritilishida xato va kamchiliklarga yo‘l qo‘ygan 2 nafar xodimga o‘rtacha oylik maoshidan 30 foiz jarima qo‘llanilgan.
Jizzaxda tut daraxtlari kesilishi oqibatida o‘simlik dunyosiga 738 mln so‘mlik zarar yetkazildi
Holat yuzasidan to‘plangan hujjatlar prokuraturaga yuborildi.
Izoh (0)