Prezidentning “G.Turdimuratovni “Do‘stlik” ordeni bilan mukofotlash to‘g‘risida”gi farmoni qabul qilindi. Bu haqda Prezident matbuot xizmati xabar berdi.
Avvalroq davlat rahbari raisligida tomorqada va ijaraga berilgan ekin yerlarida daromadli mahsulot yetishtirishning yangi tizimi bo‘yicha yig‘ilish o‘tkazilgandi. Prezident yig‘ilishda hududlardagi usta dehqonlar va tomorqa egalari bilan muloqot qilgan.
Ulardan biri – hovlisidagi issiqxonada yiliga 4 marta hosil olib, yuqori daromad topayotgan qoraqalpog‘istonlik Genjimurat Turdimuratov “Do‘stlik” ordeniga loyiq ko‘rilgandi.
Farmonda taʼkidlanishicha, Genjemurat Turdimuratov mamlakatda tomorqachilik faoliyatini rivojlantirish, jumladan, meva-sabzavotchilik va ko‘chatchilikni samarali yo‘lga qo‘yish, mo‘l va sifatli hosil yetishtirish orqali aholi farovonligini taʼminlashga qo‘shayotgan munosib hissasi uchun mukofotlangan.
Izoh (0)