Turkmanistonda davlat xizmatchilari “hukmron oilaning surati tasvirlangan gazeta va jurnal sahifalarini ehtiyoj qilish” to‘g‘risida yozma majburiyatnoma imzolamoqda. Bu haqda shunday hujjatlarni imzolagan amaldorlarga tayanib, Ozodlik radiosi xabar berdi.
Suratlar tushirilgan gazetalarni hojatxona qog‘ozi sifatida ishlatish, narsalarni o‘rash yoki olov yoqish uchun qo‘llash kabi holatlar kuzatilgan. Turkmanistonda davlat xizmatchilari va talabalar odatda davlat nashrlariga obuna bo‘lishga majbur. Ammo endi ular yangi talablarga duch kelmoqda. Bu gazetalarni uyda (butunligicha yoki ulardan qirqib olingan holda) saqlash, iflos qilmaslik va ulardan boshqa maqsadlarda foydalanmaslikdan iborat.
G‘arbiy Bolqon viloyatidagi bir davlat xizmatchisiga ko‘ra, uning shahridagi davlat xodimlariga Yangi yildan boshlab davlat gazetalarini “ifloslamaslik” to‘g‘risida ko‘rsatma berilgan.
Muvofiqlikni nazorat qilish uchun hokimiyat organlari gazetalarning har bir sahifasiga QR kodlarini chop etishi mumkin. Bolqondagi yana bir davlat xizmatchisi ta’kidlashicha, bu ularga chiqindiga tashlangan sahifalarni kim tashlaganini kuzatish imkonini beradi.
“Endi uyda bolalarning gazetalarga ham tegishidan qo‘rqamiz. Agar kichkina bola prezident suratini yirtib yoki buzib, ko‘chada biror joyga tashlab yuborsa, ish joyimizni yo‘qotish xavfi tug‘iladi”, deydi anonim amaldor.
Ta’kidlanishicha, ko‘pchilik davlat xizmatchilari majburiy obuna bo‘lgan gazetalarni o‘qimaydi, aksincha ularni uyda yoki ishda boshqa maqsadlarda foydalandi. Namgarchilikda eski poyabzallarni qoplash uchun gazetalardan foydalanish keng tarqalgan. Aholining xarid qobiliyati pastligini hisobga olgan holda, hojatxonalarda ham gazetalardan foydalanish holatlari kuzatilgan.
Izoh (0)