Qozon shahriga tashrif doirasida Shavkat Mirziyoyevni Tatariston davlat mukofoti — “Do‘stlik” ordeni bilan taqdirlandi.
Prezident matbuot xizmatining xabar qiliishicha, mukofotni davlat rahbariga Tatariston raisi Rustam Minnixanov tantanali ravishda topshirdi.
Shavkat Mirziyoyev ushbu orden bilan O‘zbekiston va Tatariston o‘rtasidagi hamkorlikni rivojlantirish, xalqlar o‘rtasida do‘stlik va o‘zaro anglashuvni mustahkamlashga qo‘shgan ulkan hissasi uchun mukofotlandi.
-91o4MJHj.jpg)
O‘zbekiston yetakchisi Tatariston rahbariga mukofot uchun samimiy minnatdorlik bildirib, so‘nggi yillarda o‘zaro hamkorlikda yuqori natijalarga erishilganini mamnuniyat bilan qayd etdi hamda Tatariston xalqiga ezgu tilaklarini bildirdi.
Uchrashuv davomida Shavkat Mirziyoyev va Rustam Minnixanov O‘zbekiston hududlarining Tatariston bilan o‘zaro manfaatli va ko‘p qirrali hamkorligini yanada kuchaytirish masalalarini muhokama qildi. So‘nggi yillarda yetakchi korxonalarning sanoat kooperatsiyasi va faol gumanitar almashinuv o‘zining amaliy natijalarini berayotgani mamnuniyat bilan qayd etildi.
Faol muloqotlar va o‘zaro tashriflarni davom ettirish, O‘zbekiston hududida qo‘shma iqtisodiy va sanoat zonalari faoliyatini kengaytirish yuzasidan kelishuvga erishildi.
24-oktyabr kuni O‘zbekiston prezidenti “BRIKS plyus” formatidagi yalpi sessiyada nutq so‘zlaydi. Uchrashuv kun tartibidan inklyuziv va barqaror taraqqiyotni taʼminlash maqsadida xalqaro hamkorlikni kengaytirish masalalari o‘rin olgan. Shuningdek, global siyosatning dolzarb jihatlari muhokama qilinadi.
Sammitni 59 davlatdan kelgan ikki mingga yaqin jurnalist yoritadi.
Shavkat Mirziyoyev BRIKS sammiti doirasida Qozonga tashrifining birinchi kuni
Shavkat Mirziyoyev BRIKS sammiti tadbirlarida ishtirok etish va qator ikki tomonlama uchrashuvlar o‘tkazish uchun Qozon shahriga 23-oktyabr kuni tashrif buyurdi. Uni aeroportda Tatariston raisi Rustam Minnixanov, Qozon shahri meri Ilsur Metshin va boshqa rasmiy shaxslar kutib oldi. Tashrifning birinchi kuni Shavkat Mirziyoyev BRIKS sammiti ishtirokchilarini qutlash marosimida qatnashdi. Xitoy raisi Si Szinpin va Misr prezidenti Abdulfattoh as-Sisi bilan suhbatlashdi, Hindiston bosh vaziri Narendra Modi va Turkiya prezidenti Rajab Toyyib Erdo‘g‘on bilan uchrashuv o‘tkazdi. BRIKSning Yangi taraqqiyot banki prezidenti Dilma Rusef va “Sberbank” prezidenti va boshqaruv raisi German Grefni qabul qildi.
Sammit doirasida Shavkat Mirziyoyev va Rustam Minnixanov uchrashib, O‘zbekiston hududlarining Tatariston bilan o‘zaro manfaatli va ko‘p qirrali hamkorligini yanada kuchaytirish masalalarini muhokama qildi. Rustam Minnixanov Shavkat Mirziyoyevni Tatariston davlat mukofoti — “Do‘stlik” ordeni bilan taqdirladi.
Izoh (0)