Toshkent shahridagi Prezident maktabi barqaror rivojlanish bo‘yicha Shayx Zoid al Nahayon nomidagi nufuzli mukofotning “Global o‘rta maktablar” nominatsiyasida g‘olib deb topilgani haqida xabar berilgandi.
Saida Mirziyoyeva Prezident maktabi ikki nafar o‘quvchisining ota-onasi va ustoziga prezident nomidan mukofot topshirdi.
“Bu g‘alaba barcha yoshlarimiz uchun umid va ilhom ramzidir. Biz siz bilan faxrlanamiz!”, deb yozadi prezident yordamchisi.
Abu-Dabidagi taqdirlash marosimida Shavkat Mirziyoyev ham ishtirok etgan edi. Davlat rahbari maktab vakillari bilan uchrashib, ularni g‘alaba bilan tabriklagandi.
Zayed Sustainability Prize ekologik barqarorlik va inson farovonligiga xizmat qiluvchi innovatsiyalarni rag‘batlantiradi. 2008-yilda BAA asoschisi Shayx Zayd bin Sulton al-Nahayon merosini davom ettirish maqsadida ta’sis etilgan.
Mukofot 5 yo‘nalishda beriladi: sog‘liqni saqlash, ta’lim, energiya, suv va global maktablar. Har bir yo‘nalishda g‘oliblar barqarorlik loyihalari uchun moliyaviy yordam oladi. Jami fond — 3 million dollar.
Toshkent shahridagi Prezident maktabi o‘quvchilari 150 maktabda yomg‘ir suvini yig‘ish bo‘yicha loyiha ishlab chiqqan. Endilikda g‘olib jamoa 150 ming dollar grant oladi.
Izoh (0)