Shavkat Mirziyoyev Abdulla Avloniy nomidagi Pedagogik mahorat milliy institutida ta’lim-tarbiya sohasi vakillari bilan muloqotida o‘quvchisi xalqaro fan olimpiadalarida g‘olib bo‘lgan o‘qituvchilar endi 150 million so‘mgacha mukofotlanishini aytdi.
Iqtidorli yoshlarni seleksiya qilish tizimi yangi bosqichga olib chiqiladi. Buning uchun xalqaro darajada fan olimpiadalariga tayyorlash markazi tashkil etiladi.
Rag‘batlantiriladigan xalqaro fan olimpiadalari soni 18 tadan 22 taga yetkaziladi.
Bunda nufuzli xalqaro olimpiadada
- oltin medal olgan o‘quvchiga — 170 million so‘m,
- kumush medalga – 102 million so‘m,
- bronza medal uchun – 68 million so‘m mukofot puli beriladi.
Shu bilan birga, ana shu o‘quvchilarning o‘qituvchilari 50 milliondan 150 million so‘mgacha mukofotlanib, ularga bir yilda 100 foizlik ustama olish imkoni yaratiladi.
Ilk bor xalqaro fan olimpiadalarida g‘olib bo‘lgan o‘quvchilar jamoasi rahbarlarini ham rag‘batlantirish tizimi yo‘lga qo‘yiladi.
Prezident xalqaro fan olimpiadalarida g‘olib bo‘lgan o‘quvchilarni tantanali kutib olib, ularni ham qahramonlar sifatida e’zozlab, xalqqa tanitish zarurligini ta’kidladi.
Izoh (0)