Vashingtonda Sikorsky H-60 (Black Hawk) harbiy vertolyoti va yo‘lovchi samolyoti to‘qnashdi. Bu haqda AQSH Fuqaro aviatsiyasi federal boshqarmasi (FAA) xabar berdi.
Samolyot American Airlines aviakompaniyasining 5342-reysini Kanzas shtatining Uichita shahridan Vashingtonga amalga oshirgan. U Bombardier CRJ700 reaktiv samolyoti hisoblanadi. Bortda 60 nafar yo‘lovchi, 4 nafar ekipaj a’zosi bo‘lgani aytilmoqda. Transportda xavfsizlik bo‘yicha milliy kengash FAA bilan hamkorlikda tekshiruv o‘tkazmoqda.
Oq uy matbuot kotibi Karolin Levittning ta’kidlashicha, prezident Donald Trampga hodisa haqida xabar berilgan. Hozirda qurbonlar va jarohatlanganlar haqida rasmiy ma’lumot yo‘q.
Biz hozircha bortda qancha odam halok bo‘lganini bilmasak-da, qurbonlar borligini bilamiz, deydi Texas shtati senatori Ted Kruz.
Bugun kechqurun Reygan aeroporti yaqinidagi to‘qnashuvda ishtirok etganlar uchun iboratda bo‘lding. Vaziyatni kuzatib boryapmiz, lekin hozircha yaxshilikka umid qilamiz, deydi Vitse-prezident JD Vanse.
Qutqaruvchilar Vashingtondagi Reygan aeroporti yaqinidagi Potomak daryosida to‘qnashgan samolyot va vertolyot bortida bo‘lgan odamlarni qidirmoqda.
Vashingtondagi samolyot halokatidan kamida to‘rt kishi omon qolgan, ular kasalxonaga yotqizilgan, deb xabar bermoqda NBC.
Izoh (0)