Хоразмда фуқаро Б.Т.нинг мурожаатига асосан тезкор тадбир ўтказилди. Бу ҳақда Бош прокуратура матбуот хизмати хабар берди.
Маълум қилинишича, фуқаро И.Б. ва бошқалар Шовот тумани ҳудудида жойлашган ҳокимият захирасидаги 10 гектар экин ер майдонини гўёки ўзларига тегишли эканига ишонтириб, келгуси йилда шоли экин маҳсулотини экиб ердан фойдаланиши учун 250 млн сўмга сотишга келишган.
Улар олдиндан 6 700 доллар ва 3,8 млн сўм пулларни олаётган вақтда ушланган.
Мазкур ҳолат юзасидан Жиноят кодексининг 168-моддаси 4-қисми “а” банди (фирибгарлик жуда кўп миқдорда) билан жиноят иши қўзғатилган.
Дастлабки тергов ҳаракатлари ўтказилмоқда.
Ер сотиш ҳолатлари
Аввалроқ Тошкентда Давлат кадастрлар палатаси туман филиали бошлиғи 25 минг доллар олаётганида ушланганди. Шунингдек, Навоий, Наманган ва Андижон вилоятларида ноқонуний йўллар билан ер майдонлари олиб беришни ваъда қилган шахслар қўлга олинган.
Изоҳ (0)