Parijda Fransiyaning sobiq prezidenti Nikolya Sarkozi ustidan sud jarayoni boshlandi.
U 2000-yillarning o‘rtalarida Liviyaning sobiq prezidenti Muammar Qaddafiy bilan korrupsiyaviy til biriktirganlikda ayblanmoqda. Agar Sarkozi aybdor deb topilsa, unga 10 yilgacha qamoq jazosi tahdid solishi mumkin. Sud jarayoni uch oy davom etadi.
Tergov ma’lumotlariga ko‘ra, 2005-yilda Sarkozi va uning apparati Qaddafiy bilan til biriktirgan va 2006—2007-yillarda undan kamida 50 million yevro olgan, Sarkozi bu mablag‘ni saylov kampaniyasini moliyalashtirish uchun ishlatgan. Buning evaziga Fransiya xalqaro maydonda izolyatsiya qilingan bo‘lsa-da, Qaddafiy rejimiga xayrixohlik ko‘rsatgan.
Sarkoziga Liviyada “passiv korrupsiya”, “jinoiy fitna”, “kampaniyani noqonuniy moliyalashtirish” va “davlat mablag‘larini o‘zlashtirishni yashirish” kabi ayblovlar qo‘yilgan. Sobiq prezident o‘z aybini tan olmagan va tergov taqdim etgan hujjatlarni soxta deb atagan.
Bu Sarkozining uchinchi sud jarayonidir. 2021-yilda sud uni ikki marta: korrupsiya va mansabdor shaxsga pora berishga urinish moddasi bo‘yicha bir yildan uch yilgacha ozodlikdan mahrum qilish (ulardan ikkitasi to‘xtatilgan, bittasi uy qamog‘i), ikkinchisi saylov kampaniyasini noqonuniy moliyalashtirganlik uchun hukm qilgan. Unga ko‘ra, sobiq prezident bir yil ozodlikni cheklash (olti oy qamoqda, olti oy muddatga to‘xtatilgan) jazosini olgan, biroq hozirda hukm apellyatsiyada.
Izoh (0)