Rossiya gvardiyasining moddiy-texnik ta’minot bo‘limi boshlig‘i o‘rinbosari general-mayor Mirza Mirzayev pora olganlikda ayblanib hibsga olindi. Bu haqda “TASS” xabar berdi.
Ma’lum qilinishicha, Mirzayev 2025-yil 2-yanvargacha hibsda qoladi. Rossiya kuch tuzilmalariga yaqin Mash Telegram kanalining yozishicha, Mirzayev tez quriladigan bino modullarini yetkazib beruvchi kompaniyadan 140 million rubl pora talab qilgan. Aks holda umumiy qiymati 480 million rubl bo‘lgan shartnomani bekor qilish bilan tahdid qilgan. Mashga ko‘ra, kompaniya vositachi orqali Mirzayevga mablag‘ o‘tkazgan va bu vositachi ham keyinchalik qo‘lga olingan.
Xuddi shunday ish bo‘yicha iyul oyida “Rosgvardiya”ning yana bir generali sudlangandi
12-iyul kuni korrupsiya ishi bo‘yicha Rossiya gvardiyasi Markaziy okrugi qo‘mondonining sobiq o‘rinbosari general-mayor Vadim Dragomiretskiy sudlangandi. U harbiy unvonidan mahrum qilinib, 9 yil-u 6 oy muddatga qattiq tartibli koloniyaga jo‘natilgan. U Moskva viloyatidagi harbiy qismlardan birini qayta qurish bilan shug‘ullanayotgan pudratchi kompaniyadan muntazan pora olganlikda ayblangan.
Mirzayev 28 million rubl pora olganlikda ayblangan. Sobiq general o‘z aybiga qisman iqror bo‘lgan va olingan pullarning bir qismini bergan. Sud hukmi chiqarilishidan oldin, ayblanuvchi va uning qo‘l ostidagi podpolkovnik Eldor Gajiyev Ukrainadagi urushda ishtirok etish uchun ariza bergan.
Izoh (0)