AQSH prezidenti Jo Bayden ma’muriyati Rossiya energetika sektoriga qarshi eng yirik sanksiyalar joriy etilganini e’lon qildi.
Rossiyaning energiya resurslarini qazib olish, qayta ishlash va eksport qilish sohasidagi imkoniyatlarini cheklashga qaratilgan yangi choralar mamlakatda davom etayotgan jangovar harakatlar va neft qazib olishning o‘sishiga javob tariqasida joriy etildi.
Sanksiyalar 183 dan ortiq neft tankerlari, o‘nlab treyderlar, neft xizmatlari kompaniyalari, yuqori martabali amaldorlar va yirik korporatsiyalar rahbarlariga ta’sir ko‘rsatdi. Metallurgiya va tog‘-kon sanoati korxonalari ham cheklovlarga uchradi.
Amerika Qo‘shma Shtatlari Rossiyaning Ukrainaga qarshi olib borayotgan shafqatsiz va noqonuniy urushini moliyalashtirishning asosiy manbai bo‘lgan daromadiga qarshi keng ko‘lamli choralar ko‘rmoqda. Bugungi choralar bilan biz Rossiyaning neft savdosi, shu jumladan Rossiya neft eksportini qo‘llab-quvvatlash uchun yuk tashish va moliyaviy yordam ko‘rsatish bilan bog‘liq sanksiyalar xavfini oshirmoqdamiz, dedi G‘aznachilik vaziri Janet Yellen.
Cheklovlar Rossiya Energetika vazirligi o‘rinbosarlari Roman Marshovin va Eduard Sheremetsev, “Zarubejneft” rahbari, “Lukoyl” prezidenti va “Tatneft” bosh direktori, “Rosatom” bosh direktori, “Lukoyl” prezidenti, “Tatneft” bosh direktoriga qaratilgan.
Quyidagi kompaniyalar ham AQSH cheklovlariga uchragan:
- “Gazpromneft - Moskva NQIZ”, “Gazpromneft - Omsk NQIZ”, “Gazprom nefte shelf”, “Gazpromneft – Aero”, “Gazpromneft - Bitumnie materiali”, “Gazpromneft-Xantos”, “Gazpromneft - maslojnie materiali”, “Gazpromneft – Noyabrskneftegaz”, “Gazpromneft – Orenburg”, “Gazpromneft – Vostok”, “Gazpromneft – Yamal”, “Gazpromneft – Zapolyare”,
- “Gazprom neft – Tojikiston”, “Gazpromneft – Interneshnl”, “Gazprom neft - Qozog‘iston”, “Gazprom neft Osiyo”, “Munay Mirza”, shuningdek, NIS AD Novi Sad.
- “Surgutneftgaz” sho‘ba korxonalari: “Kaliningradneftmahsulot”, “Kinef”, “Kirishiavtoservis”, “Lengipronefttexim”, “Novgorodneftmahsulot”, “Pskovneftmahsulot”, “Tverneftmahsulot”.
- Energetika vazirligi Ko‘mir sanoati departamenti direktori Pyotr Bobilev, ushbu idoraning Maxsus loyihalarni amalga oshirish departamenti direktori Vadim Pavlov, Xalqaro hamkorlik departamenti direktori Dmitriy Semyonov va Gaz tarmog‘ini rivojlantirish departamenti direktori Artem Verxov.
- “Ingosstrax” va “Alfa straxovaniye”.
- “Gazprom SPG Portovaya” va “Kriogaz-Visotsk”, “Novatek”.
- “Achimgaz” AJ, “Gazpromshelfproyekt”, “Samotlorneftepromxim”, “Qatlamlarning neft berishini oshirish va quduqlarni kapital ta’mirlash boshqarmasi”.
- “Argos”, “Atlas NNB”, “Denkars”, “Energiya neftegazovogo servisa”, “Frakjet-Volga”, “Golfstrim”, “Investgeoservis”, “Texnologiyi OFS”, “Lenino-gorskremservis”, “Katkonneft”, “Naftagaz-bureniye”, “Oyl servis garant”, “RN-Servis”, “Velltex”, “NPP “Bureniye”, “Paker servis”, “RN-Bureniye”, “RN-GRP”.
- “RN-bureniye” va “Rosneftflot”.
- “Arktika SPG-2” loyihasi va u bilan bog‘liq tuzilmalar.
- Rossiya neftining savdosi aloqador Gonkong, Latviya, Liberiya, BAA va Rossiyaning 17 ta kompaniyasi va 3 nafar jismoniy shaxs.
Bayden ma’muriyati vakillarining so‘zlariga ko‘ra, bu choralar Rossiyaning iqtisodiy ta’sirini jilovlash va uning harbiy harakatlarni moliyalashtirish qobiliyatini pasaytirishga qaratilgan.
Izoh (0)