Yoqilg‘i-energiya resurslaridan noqonuniy foydalanish bilan bog‘liq holatlarni fosh etishga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar berdi.
Maʼlum qilinishicha, Sirdaryo viloyati Boyovut tumanidagi fuqaro E.H. maishiy xizmat ko‘rsatish shoxobchasini hisoblagichdan tashqari elektr tarmog‘iga o‘zboshimchalik bilan ulagan.
Natijada fuqaro 325,4 mln so‘mlik elektr energiyasini yashirin ravishda talon-toroj qilgan.
Holat bo‘yicha E.H.ga nisbatan Jinoyat kodeksining 169-moddasi (o‘g‘irlik) 4-qismi “a” bandi bilan jinoyat ishi qo‘zg‘atilib, protsessual tartibida ushlangan.
Bundan avval Angrendagi metan zapravka 1,1 mlrd so‘mlik elektr energiyasidan, Samarqanddagi metan zapravkada 6,6 mlrd so‘mlik gazdan noqonuniy foydalanilgani aniqlangan edi.
Izoh (0)