Yoqilg‘i-energiya resurslaridan noqonuniy foydalanish bilan bog‘liq holatlarni fosh etishga qaratilgan nazorat tadbirlari davom etmoqda, deb xabar berdi Bosh prokuratura matbuot xizmati.
Xususan, Namangan viloyati Chust tumanidagi “C.Sh.” MCHJ rahbarlari M.S. va I.J.lar jamiyatga qarashli sutni qayta ishlash va quritish sexida elektr energiyasini hisobini yurituvchi tok transformatorni qasddan uzib qo‘ygan.
Oqibatda 2,1 mlrd so‘mlik elektr energiyasi talon-toroj qilingan.
Holat bo‘yicha M.S. va J.I.larga nisbatan Jinoyat kodeksining 169-moddasi 4-qismi “a” bandi (o‘g‘rilik juda ko‘p miqdorda) bilan jinoyat ishi qo‘zg‘atilib, protsessual tartibda ushlangan.
Avvalroq Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan.
Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi.
Izoh (0)