O‘zbekiston eng kam oylik maosh to‘lanadigan 154 ta mamlakat orasida 111-o‘rinni egalladi. Bu haqda Minimum Wage by Country 2024 xabar berdi.
Ro‘yxatda davlatlarning yillik hamda soatlik eng kam ish haqi miqdori dollarda hisoblab chiqilgan.
Ushbu reytingda Avstraliya peshqadam – yiliga 35 515 dollar, soatiga esa 17,47 dollar.
O‘zbekiston esa eng kam ish haqi bo‘yicha 111-o‘rinni egallab turibdi – yiliga 1 041 dollar, soatiga esa 0.50 sent.
Gabonda yillik 3 dollar etib belgilangan.
O‘zbekistonda 2024-yilning 1-oktyabridan boshlab mehnatga haq to‘lashning eng kam miqdori 1 mln 155 ming so‘mni tashkil etadi.
2024-yilning yanvar–sentyabr oylarida O‘zbekistonda o‘rtacha oylik nominal hisoblangan ish haqi 5 million 151 ming so‘mga yetgandi. Bu ko‘rsatkich 2023-yilning mos davrida 4 million 424 ming so‘m bo‘lgan.
O‘zbekistonda 2024-yilning to‘qqiz oyida eng yuqori o‘rtacha oylik ish haqi kompyuter dasturlashtirish xizmatlari uchun to‘lanayotgani aytilgandi. To‘qqiz oy davomida mazkur soha egalari oyiga o‘rtacha 18 million so‘mdan ish haqi olgan.
Izoh (0)