Avvalroq hujumchi Igor Sergeyev “Paxtakor” jamoasiga qaytgani haqida xabar berilgandi. Klub matbuot xizmatining xabar berishicha, 27-dekabr kuni Toshkentga kelgan Sergeyev “Paxtakor” uchun tibbiy ko‘rikdan o‘tdi.
Futbolchi jamoada 11-raqamda to‘p tepadi.
Maʼlumot uchun, Igor uzoq yillar davomida “sherlar” safida harakat qilgan. U klubda jami 180 ta o‘yinda maydonga tushib, 102 ta gol urgan.
Noyabr oyida bungacha Tailandning “Patum Yunayted” klubida faoliyat olib borgan Igor Sergeyev 10 oylik tanaffusdan so‘ng qaydnomaga kiritilgani haqida xabar berilgandi.
Sergeyev yanvar oyida Osiyo Kubogi guruh bosqichi 3-turidan o‘rin olgan O‘zbekiston – Avstraliya bahsida jarohat olgan edi.
Keyinroq u Dohadagi “Aspetar” shifoxonasida muvaffaqiyatli operatsiya qilindi. Futbolchi 6 oy davomida jarohatini davolashi aytilgandi.
Izoh (0)