Fransiya janubidagi Arl kommunasi markaziy qamoqxonasidagi mahbus odamlarni garovga oldi. Bu haqda La Provence gazetasi xabar bermoqda.
Nashrning yozishicha, gap uch nafar tibbiyot xodimi va qamoqxona qo‘riqchisi haqida ketmoqda. Qayd etilishicha, hujum qilgan shaxs pichoq bilan qurollangan. Nashr mahbus haqida boshqa tafsilotlarni keltirmagan.
La Provence ta’kidlaganidek, Arl qamoqxonasi 1990-yillarda qurilgan. U 159 nafar mahkumga mo‘ljallangan bo‘lib, hozirda bu yerda 137 nafar shaxs jazo o‘tamoqda.
2024-yilning 16-iyun kuni Rossiyaning Rostov shahridagi 1-sonli tergov izolyatorida olti nafar mahbusi xodimlarni garovga olgandi.
Jinoyatchilar bu vaqtda tergov izolyatorining ichki hovlisida bo‘lgan va pichoq, dubinka va o‘t o‘chiruvchilar boltasi bilan qurollangan. Ulardan biri FSIN ofitserlaridan birining qo‘liga kishan taqqan. Mahbuslar avtomashina va izolyatorni tark etishga qo‘yib berishni talab qilgan.
Garovga olinganlarni ozod qilish bo‘yicha o‘tkazilgan maxsus operatsiya davomida jinoyatchilar yo‘q qilingan, garovda bo‘lgan xodimlar ozod etilgan va ularga hech qanday jarohat yetmagan.
Izoh (0)