Fransiyaning sobiq prezidenti Nikolya Sarkozi Ukraina NATO va Yevropa Ittifoqiga qo‘shilishdan bosh tortishi kerakligini aytdi. Bu haqda BFMTV xabar berdi.
Sarkozi urushni tugatish uchun “Putin bilan gaplashish” kerakligini ilgari surdi.
“Mazkur urushda 500 ming odam halok bo‘ldi. Agressor bor — Rossiya, Putin. Qurbon esa Ukraina. Lekin bu vaziyatdan qanday chiqish haqida o‘ylay olamizmi?”, — dedi u.
Sobiq prezidentning fikricha, urushni tugatishning ikki yo‘li bor: Rossiyani yo‘q qilish va diplomatik muhokama.
“Ammo biz dunyodagi ikkinchi yirik yadroviy davlatni yo‘q qilmoqchi emasmiz, aks holda dunyo keng ko‘lamli urushga kirishish xavfi bor”, — ta’kidladi u.
Shuningdek, Sarkozi Putin bilan suhbatni imkonsiz deb hisoblaydiganlar “odatda u bilan hech qachon uchrashmaganlar” ekanini aytdi. Fransiya sobiq prezidenti Ukraina “betaraf qolishi” kerakligini takrorladi.
Izoh (0)