15 soatlik so‘roqdan so‘ng Fransiyaning sobiq prezidentiga rasmiy ayblov qo‘yildi. U korrupsiya va o‘z mansabini suiste’mol qilishda ayblanmoqda, deb xabar berdi Interfax.
Avval xabar berganimizdek, sobiq prezident saylovoldi kampaniyasining noqonuniy tashkil etilgani oshkor bo‘lmasligi evaziga shu ish bilan shug‘ullangan sudyaga Monakoda yuqori lavozim taklif qilgan.
Guvohlar bergan ma’lumotlarga ko‘ra, Sarkozi o‘zining “Betankur ishi”da aybdor ekanligini yashirish uchun advokati Tyerri Erzog yordamida fuqarolik va jinoiy ishlar bo‘yicha Kassatsiya sudidagi sobiq bosh advokatlar — Jilber Aziber va Patrik Sassustga ta’sir o‘tkazishga uringan. Biroq 2013-yil oktabr oyida Sarkozining aybini isbotlash uchun yetarli dalillar bo‘lmagani bois ish yopilgan edi. Bu yil ish qayta qo‘zg‘atilgach, Aziber, Sassust, Erzog ham hibsga olindi.
Bundan tashqari, Sarkozining 2007-yilgi saylovoldi kampaniyasini Muammar Qaddafiy moliyalashtirilgani borasidagi ishda ham sobiq prezidentning aybi isbotlanmagan edi. 2012-yil dekabr oyida Livanda tug‘ilgan fransiyalik biznesmen Ziad Taqiyiddin prokuraturaga bu ishga doir dalillarni yetkazib berishi haqida xabar bergan. Shundan so‘ng Mediapart saytida Liviya tomonidan Sarkozi kampaniyasi uchun 50 million yevro ajratilganini isbotlovchi hujjatlar keltirilgan.
Hozirda Sarkozi o‘zining aybsiz ekanligini ta’kidlamoqda.
Izoh (0)