Yangi yil arafasida Fransiyada mingga yaqin mashina yoqib yuborildi, politsiya 420 kishini qo‘lga oldi, ulardan 310 nafar hibsda saqlanmoqda. Bu haqda BFMTV telekanali xabar berdi.
Fransiya Ichki ishlar vazirligi bo‘lim boshlig‘i Bruno Retayoning aniqlik kiritishicha, ko‘pchilik hodisalar pirotexnika otilishi bilan bog‘liq bo‘lib, ular politsiya xodimlari va o‘t o‘chiruvchilarga hujum qilishda ham qo‘llangan.
Lion shahrida ikki yoshli qizaloq aravachasiga yonib turgan pirotexnika urilishi oqibatida uning yuzi va ko‘zi kuyish jarohatini olgan. Yana bir kishi petarda portlashi tufayli og‘ir ahvolda kasalxonaga yotqizilgan. Telekanal bu voqea tafsilotlarini keltirmadi.
Politsiya bayram kunlari Parij va uning chekkasida tartibni saqlash uchun 10 mingga yaqin huquq-tartibot idoralari xodimlari safarbar etilishini ma’lum qildi.
Yangi yil bayramlarida Fransiyada jami 90 ming nafar turli huquq-tartibot idoralarining vakillari ish olib bordi. Bruno Retayo mahalliy hokimiyat va xavfsizlik kuchlarini terrorchilik xavfi yuqori darajada davom etayotganini hisobga olib, hushyor bo‘lishga chaqirdi.
Izoh (0)