AQSH prezidenti Jo Bayden 6-yanvar kuni Yangi Orleandagi terakt sodir etilgan joyga tashrif buyuradi. Bu haqda Oq uy matbuot xizmati tarqatgan bayonotda aytiladi.
Unga ko‘ra, AQSH prezidenti Jo Bayden va uning rafiqasi Jill Bayden terakt paytida halok bo‘lganlarning oila a’zolari, shuningdek, mahalliy hokimiyat vakillari bilan uchrashishi rejalashtirilgan.
2-yanvar kuni qilgan chiqishida Bayden Yangi Orleanga tashrif buyurishga harakat qilishini aytgandi.
1-yanvar kuni Yangi yilning dastlabki soatlarida Yangi Orleandagi Kanal-strit va Burbon-strit ko‘chalari kesishmasida avtomobil haydovchisi mashinasini odamlarga qarata haydashi oqibatida o‘n to‘rt kishi halok bo‘ldi, 30 kishi jarohat oldi.
Hodisa Yangi Orleandagi Yangi yil bayrami yakunida va minglab tomoshabinlar ishtirok etishi kutilayotgan AllState Bowl futbol chorak finali boshlanishidan bir necha soat oldin sodir bo‘lgan.
Yangi Orlean shahri meri LaToya Kentrell voqeani ochiqchasiga “terakt” deb atagan.
Politsiya vakillari mazkur hujum imkon qadar ko‘proq odamlarga zarar yetkazish maqsadida oldindan rejalashtirilgani hamda qasddan amalga oshirilganini rasman tasdiqlagan. Voqea joyida portlovchi qurilmalarga o‘xshash buyumlar ham topilgan.
Izoh (0)