Estoniya mudofaa vaziri Xanno Pevkur bir necha hafta ichida HIMARS raketa tizimi AQSHdan mamlakatga yetib kelishini aytdi.
“Bir necha hafta ichida biz AQSHdan HIMARSni olamiz”, deya Pevkurning so‘zlaridan iqtibos keltiradi ERR teleradiokompaniyasi. Pevkurning aytishicha, Estoniya harbiy xizmatchilari ushbu tizimlardan foydalanish bo‘yicha AQSH qo‘shinlaridan dars olgan.
ERR maʼlumotlariga ko‘ra, joriy yil davomida Estoniya 18 xil o‘ziyurar artilleriya birliklari, 200 ga yaqin zirhli texnika, IRIS-T zenit-raketa tizimlari va turli kuzatuv tizimlarini ham oladi. Bundan tashqari, Janubiy Koreyaning oltita o‘ziyurar K9 Thunder o‘ziyurar gaubitsalari Estoniyaga 2025-yil davomida keladi.
Ta’kidlanganidek, Pevkur, shuningdek, “NATOning harbiy salohiyatni rivojlantirish rejalarini hisobga olgan holda” mudofaa xarajatlari yetarli emasligini va yozda Gaagada o‘tkazilishi rejalashtirilgan NATO sammitida yuqori mudofaa xarajatlari maqsadlari belgilanishi mumkinligini qo‘shimcha qildi.
So‘nggi yillarda NATO Rossiyaning g‘arbiy chegaralarida faollik ko‘rsatmoqda. NATO buni “Rossiya agressiyasini to‘xtatish”ga urinish deb atamoqda.
Moskva Yevropada ittifoq qo‘shinlarining to‘planishidan bir necha bor xavotir bildirgan. Kreml Rossiya Federatsiyasi hech kimga tahdid qilmasligini, biroq uning manfaatlari uchun potensial xavfli harakatlarni e‘tiborsiz qoldirmasligini ta‘kidladi.
Izoh (0)