Kataloniyaning “Barselona” klubi Myunxenning “Bavariya” klubi chap qanot himoyachisi Alfonso Devisni o‘z safida ko‘rish niyatida. Bu haqda Mundo Deportivo xabar bermoqda.
Manbaga ko‘ra, “Barsa” klubi futbolchini mazkur transfer oynasida qo‘lga kiritishni rejalashtirishmoqda va hozirda muzokaralar olib borilmoqda. Futbolchining agenti 30 million yevro miqdorida shartnoma imzolashda bonus va yiliga 12 million yevrodan ortiq maosh talab qilgan.
Eslatib o‘tamiz, Alfonso Devis 2019-yil 1-yanvarda “Bavariya” safini to‘ldirgan edi. Futbolchining amaldagi shartnomasi 2025-yil iyun oxirigacha amal qiladi. Joriy mavsumda himoyachi 21 ta o‘yinda maydonga tushib, 1 ta gol urdi va 3 ta golli uzatma amalga oshirdi.
Avvalroq Vinisius “Bavariya” himoyachisi Alfonso Devis bilan ham doimiy aloqada bo‘lib turgani va uni “Real”ga o‘tishga undayotgani haqida xabar berilgandi.
Izoh (0)