Yaponiya poytaxti Tokio shahrida Andres Inyesta sharafiga “Barselona” va “Real Madrid” afsonalari o‘rtasida uchrashuv o‘tkazildi.
31-daqiqada Xavyer Saviola hisobni ochgan bo‘lsa, 69-daqiqada Xavyer Balboa hisobni tenglashtirdi.
O‘yinga qo‘shib berilgan daqiqalarda esa “Real” afsonasi Fernando Sans Inyestaning uzatmasidan o‘z darvozasiga to‘p kiritib qo‘ydi. Shunday qilib, uchrashuv 2:1 hisobida kataloniyaliklar g‘alabasi bilan yakunlandi.
O‘yin boshlanishidan oldin “Real Madrid” vakillari 40 yoshli Inyestaga hurmat belgisi sifatida uning ismi yozilgan klub futbolkasini sovg‘a qildi.
Mazkur bahsni stadiondan turib 45 725 nafar muxlis kuzatib bordi.
Izoh (0)