O‘zbekistonlik futbolchi Lazizbek Mirzayev Ispaniya klubiga ko‘chib o‘tgan edi. Ko‘pchilikda Mirzayev “Leganes B” jamoasiga o‘tgani haqida fikrlar paydo bo‘lmoqda. “Championat” nashri futbolchining huquqini himoya qiluvchi “Football Group” agentligi bilan suhbatlashib, holatni aniqlashtirdi.
“Lazizbek Mirzayev Ispaniyaning ”Leganes“ klubi bilan shartnoma tuzgan. Shartnomada ”Leganes B“, ”Leganes C“ degan narsalar yo‘q, futbolchi ”Leganes“ klubiga tegishli. 18 yoshli futbolchi dastlabki oylarni ”Leganes"ning U-19 jamoasi tarkibida o‘tkazadi. Bu yosh futbolchilarning klubga moslashishi uchun juda ham zarur. Mirzayev 18 yoshida darhol La Ligada o‘ynab ketmasligini ko‘pchilik yaxshi tushunib turibdi. Klub murabbiylari jamoaga kelgan braziliyalik yoki argentinalik futbolchilarni ham dastlab yoshlar jamoalarida maydonga tushiradi, shundan keyin asosiy jamoaga qo‘shadi.
“Leganes B” Ispaniya to‘rtinchi ligasida ishtirok etadi va bu uning saviyasi “Leganes” U-19 dan pastroq. Sababi U-19 jamoasi “Real”, “Barselona” va “Atletiko” kabi klublarning U-19 jamoalariga qarshi o‘ynaydi. Yaʼni saviya 4-ligadan ancha baland. Bundan tashqari Mirzayev O‘zbekiston U-20 terma jamoasi safida Osiyo Kubogida ishtirok etishi kerak. Shu sabab ham futbolchi har hafta to‘laqonli o‘yin amaliyotiga ega bo‘lishi juda ham zarur”, deb javob bergan “Football Group” agentligi xodimi.
Ma’lumot uchun, Lazizbek Mirzayev Toshkentning “Lokomotiv” klubi tarbiyalanuvchisi hisoblanadi.
“Leganes” klubi La Liganing 17-turida “Barselona” klubiga qarshi maydonga tushib, 0:1 hisobida g‘alabaga erishdi. Ushbu g‘alabadan so‘ng jamoa o‘z hisobidagi ochkolar sonini 18 taga yetkazib olib, La Liganing 15-o‘rnida bormoqda.
“Leganes B” klubi Tercera Federation deb nomlangan chempionatda ishtirok etadi. Bu Ispaniya futbol ligasi tizimining beshinchi bosqichidir.
Izoh (0)