O‘zbekiston Superligasi 18-turi doirasidagi ikki uchrashuv o‘z yakuniga yetdi. Ulardan biri Olmaliqda, navbatdagisi esa Andijonda bo‘lib o‘tdi.
Kunning ilk bahsida “OKMK” “Qizilqum”ni qabul qilib, 0:0 hisobida durang o‘ynadi. Mirjalol Qosimov boshchiligidagi “konchilar” o‘yinda favorit hisoblangan bo‘lsa-da, “Qizilqum” kuchli qarshilik ko‘rsatib, safardan 1 ochko bilan qaytishni uddaladi.
Natijada jamoalar 1 ochkodan bo‘lishib oldi. 18-turdan keyin “OKMK” 34 ochko bilan Superliga turnir jadvalida 3-o‘rinni egallab turibdi, “Qizilqum” esa 22 ochko bilan 8-pog‘onani band etgan.
Andijondagi “Bobur Arena”da o‘tgan uchrashuv ham qiziqarli kechdi. Jamoalar navbatma-navbat xavfli hujumlar uyushtirdi, ammo birinchi bo‘limda hisob ochilmadi. Ikkinchi bo‘limda ham keskin kurashlar ostida davom etdi. O‘yin yakuni arafasida “Navbahor” hisobni ochdi: Muhammadali G‘iyosov Erjan Tokatayev darvozasini ishg‘ol qilib, namanganliklarga muhim g‘alaba keltirdi.
Ushbu g‘alabadan so‘ng “Navbahor”ning hisobidagi ochkolar 31 taga yetdi va jamoa turnir jadvalida 5-o‘ringa ko‘tarilib oldi. “Andijon” esa 21 ochko bilan 9-o‘rinda qolmoqda.
O‘zbekiston Superligasi
18-tur
12-avgust, seshanba
“OKMK” — “Qizilqum” 0:0
“Andijon” — “Navbahor” 0:1
Gol: 0:1 — G‘iyosov (89)
Izoh (0)