Yandex Music «Mening to‘lqinim» aqlli tavsiyalar tizimiga yangilanish kiritdi — endi foydalanuvchilar faqat o‘zbek tilidagi treklarni tanlashlari yoki, masalan, faqat so‘zsiz qo‘shiqlarni yoki chet tillaridagi musiqalarni tanlashlari mumkin. Bu o‘zbek san’atkorlari o‘z auditoriyasini tezroq topishga yordam beradi, tinglovchilarga esa musiqiy tavsiyalarni o‘z xohishlariga moslashtirish imkonini beradi.
Tavsiyalar tizimi qanday ishlaydi va moslashadi? Bu haqida Yandex Uzbekistan boshlig’i Izzat Shukurovdan bilib oldik.
«Mening to‘lqinim» nima?
«Mening to‘lqinim» — bizning musiqiy tavsiyalarimizni rivojlantirishdagi navbatdagi qadam. Hammasi Yandex Radio’dan boshlandi, keyin esa har kuni yangilanadigan aqlli pleylistlar paydo bo‘ldi. Ammo foydalanuvchilar yanada jo'shqinroq tizimni xohlashardi. Shu sababli, musiqani real vaqt rejimida foydalanuvchining xohishlariga moslaydigan tavsiyaviy oqim g‘oyasi paydo bo‘ldi.
«Mening to‘lqinim»ning asosida chuqur neyron modellar yotadi, ular tinglash tarixini, treklar ketma-ketligini va boshqa ko‘plab omillarni tahlil qiladi. Bu tizimga nafaqat hozirgi xohishlarni hisobga olish, balki kelajakda yoqishi mumkin bo‘lgan treklarni ham oldindan bilish imkonini beradi.
«Mening to‘lqinim»ni o‘zbek tilidagi musiqaga sozlash funksiyasi — lokal kontentni qo‘llab-quvvatlashdagi muhim qadamdir. Biz O‘zbekiston auditoriyasining katta qismi o‘zbek tilidagi kontentni afzal ko‘rishini tushunamiz. Ammo mamlakat ko‘p millatli va ko‘p madaniyatli bo‘lgani sababli, chet tillaridagi kontentni iste’mol qilish holati ham hisobga olinadi. Ushbu sozlama foydalanuvchilarga madaniy xohishlari va qiziqishlari o‘rtasida muvozanat topishga yordam beradi.
«Mening to‘lqinim» nafaqat O‘zbekiston auditoriyasi bilan bog‘liqlikni kuchaytiradi, balki mahalliy ijrochilarni ham qo‘llab-quvvatlaydi, ularning musiqasini qulay va oson tinglashga imkon yaratadi.
Tavsiyalar tizimi qanday ishlaydi?
Tizim ikki yondashuvni birlashtiradi:
- Kollaborativ filtrlash — musiqiy didi yaqin bo‘lgan foydalanuvchilarning tanlovini tahlil qiladi va ularga yoqqan narsalarni tavsiya qiladi.
- Kontentni tahlil qilish — neyron tarmoqlar yordamida treklarning ohang, ritm va uslub kabi audio elementlarini o‘rganib, o‘xshash musiqalarni topadi.
Matn tilini aniqlash alohida ahamiyatga ega. Algoritmlar qo‘shiqlarni avtomatik tahlil qiladi va tinglovchilarga ularning afzal ko‘rgan tilida treklarni tavsiya qiladi.
«Mening to‘lqinim» qanchalik tez moslashadi?
«Mening to‘lqinim»ning asosiy afzalliklaridan biri — uning tezkorligi. Algoritmlar yuzlab omillarni tahlil qiladi, jumladan, yoqish, yoqmaslik, treklarni o‘tkazib yuborish yoki oxirigacha tinglash kabi harakatlarni, shuningdek, ilova interfeysi bilan o‘zaro aloqalarni ham. Xizmat hatto foydalanuvchilar boshlagan musiqaning kayfiyatiga – xafa yoki quvnoq ekanligiga ham e’tibor qaratadi. Ushbu faoliyat darhol qayta ishlanadi, natijada real vaqt rejimida tavsiyalar foydalanuvchining hozirgi xohishlariga moslashib, maksimal darajada dolzarb treklarni taklif qiladi.
Mahalliy ijrochilarga foydasi
«Mening to‘lqinim»ning shaxsiylashtirilgan tavsiyalari yosh o‘zbek ijrochilariga o‘z auditoriyasini topishda yordam beradi. Masalan, Yandex Music platformasi tomonidan ishga tushirilgan Tandir Music Lab loyihasi o‘zbek musiqasini ommalashtirish uchun muhim loyihaga aylandi. U milliy musiqiy an’analarni zamonaviy talqinda taqdim etib, noyob iste’dodlarni kashf qilishga yordam beradi. Shu orqali san’atkorlar tinglovlar sonini oshirib, yangi auditoriyani jalb qilish imkoniyatiga ega bo‘ladilar.
O‘zbekcha tavsiyalarning ta’siri
«Mening to‘lqinim» orqali mahalliy kontentni qo‘llab-quvvatlash xizmatni tinglovchilarga yaqinroq qiladi. Foydalanuvchilar o‘z madaniy va til xohishlari hisobga olinganini his etadilar, o‘zbek san’atkorlari esa o‘sish va targ‘ibot uchun platformaga ega bo‘ladilar. Masalan, Tandir Music Lab’dagi treklarning mashhurligi shaxsiy tavsiyalarga tushganidan keyin sezilarli darajada oshdi.
Yandex Music har bir foydalanuvchi o‘ziga yaqin musiqani, har bir san’atkor esa o‘z tinglovchisini topishi uchun sharoit yaratish muhimligini hisobga oladi.
Sheriklik huquqi asosida.
Izoh (0)