Каталониянинг “Барселона” клуби Мюнхеннинг “Бавария” клуби чап қанот ҳимоячиси Альфонсо Дэвисни ўз сафида кўриш ниятида. Бу ҳақда Mundo Deportivo хабар бермоқда.
Манбага кўра, “Барса” клуби футболчини мазкур трансфер ойнасида қўлга киритишни режалаштиришмоқда ва ҳозирда музокаралар олиб борилмоқда. Футболчининг агенти 30 миллион евро миқдорида шартнома имзолашда бонус ва йилига 12 миллион евродан ортиқ маош талаб қилган.
Эслатиб ўтамиз, Альфонсо Дэвис 2019 йил 1 январда “Бавария” сафини тўлдирган эди. Футболчининг амалдаги шартномаси 2025 йил июнь охиригача амал қилади. Жорий мавсумда ҳимоячи 21 та ўйинда майдонга тушиб, 1 та гол урди ва 3 та голли узатма амалга оширди.
Аввалроқ Винисиус “Бавария” ҳимоячиси Альфонсо Дэвис билан ҳам доимий алоқада бўлиб тургани ва уни “Реал”га ўтишга ундаётгани ҳақида хабар берилганди.
Изоҳ (0)