Neymarning otasi, uning o‘g‘li 2013-yilda “Santos”dan “Barselona”ga o‘tishidan oldin, “Real Madrid” unga katta taklif bilan chiqqanini ma’lum qildi. Biroq u “Barselona”ni tanlagan.
“Barselona”ga o‘tish to‘liq Neymarning qarori edi. Menda “Barselona” va “Real”dan takliflar bor edi. “Real” taklifi “Barsa”nikidan uch baravar ko‘proq edi. Lekin u rad etdi, chunki u “Barselona”da Messi va boshqa futbolchilar bilan o‘ynashni xohladi. Uning orzusi “Barselona”da to‘p surish edi”, dedi Neymarning otasi YouTube’dagi Jota Jota podkastida.
Ma’lumot uchun, Braziliyalik futbolchi 2013-2017 yillar oralig‘ida “Barselona”da faoliyat yuritgan. Bu davr mobaynida u barcha turnirlarda 186 o‘yinda ishtirok etgan, 105 gol urgan va 76 ta golli uzatmani amalga oshirgan.
Avvalroq “Al-Hilol” futbolchisi jamoadoshlariga 2025-yilning yozida Amerikaning “Inter Mayami” klubiga o‘tishini ma’lum qilgani xabar qilingandi.
Izoh (0)