Statistika agentligi ma’lumotiga ko‘ra, 2024-yil yanvar-noyabr oylarida 165,1 ming nafar chet el fuqarosi tijorat maqsadida O‘zbekistonga tashrif buyurgan.
Bu ko‘rsatkich o‘tgan yilning mos davri bilan solishtirganda 104 ming nafar yoki 2,7 barobar oshgan. Yurtimizga tijorat maqsadida eng ko‘p — 89 218 odam Turkmanistondan kelgan.
Shuningdek, joriy yil 11 oyida Qirg‘iz Respublikasi, Tojikiston, Rossiya, Afg‘oniston, Turkiya, Xitoy, Hindiston, AQSH va Janubiy Koreya tijoratchilari ham respublikamiz bilan hamkorlik qilishni ma’qul topgan.
O‘zbekistonga 2024-yilning yanvar-oktyabr oylarida qariyb 6,5 mln nafar chet el fuqarolari turistik maqsadlarda tashrif buyurgani xabar berilgandi.
Yanvar-oktyabr oylarida O‘zbekistonga turistik maqsadlarda kelgan chet el fuqarolari mamlakatlar bo‘yicha quyidagicha taqsimlangan:
- Tojikiston – 1 878,5 ming nafar;
- Qirg‘iz Respublikasi – 1 870,3 ming nafar;
- Qozog‘iston – 1 267,5 ming nafar;
- Rossiya – 686,7 ming nafar;
- Turkmaniston – 145,0 ming nafar;
- Turkiya – 95,7 ming nafar;
- Xitoy – 57,7 ming nafar;
- Hindiston – 55,9 ming nafar;
- Janubiy Koreya – 36,5 ming nafar;
- Italiya – 36,3 ming nafar;
- boshqa davlatlar – 366,6 ming nafar.
Izoh (0)