O‘zbekistonliklar olti oyda turistik maqsadlarda qaysi davlatlarga ko‘proq chiqqani ma’lum qilindi.
Statistika agentligi ma’lumotlariga ko‘ra, 2024-yilning yanvar—iyun oylarida 2,7 mln nafar o‘zbekistonliklar turistik maqsadlarda chet elga borgan. Bu ko‘rsatkich o‘tgan yilning mos davri bilan solishtirilganda 701,9 ming nafarga yoki 34,6 foizga oshgan.
Joriy yilning 6 oyida O‘zbekiston fuqarolarining turistik maqsadlarda eng ko‘p tashrif buyurgan mamlakatlari:
- Qirg‘iziston — 1 million 251,5 ming nafar;
- Tojikiston — 560,6 ming nafar;
- Qozog‘iston — 420 ming nafar;
- Rossiya — 122 ming nafar;
- Saudiya Arabistoni — 104,6 ming nafar;
- Turkiya — 91,8 ming nafar;
- BAA — 62,6 ming nafar;
- Misr — 17,6 ming nafar;
- Quvayt — 16,7 ming nafar;
- Janubiy Koreya — 10 ming nafar;
- boshqa davlatlar — 73,1 ming nafar.
O‘zbekistonga 2024-yilning yanvar—iyun oylarida 3,5 milliondan ortiq chet el fuqarolari turistik maqsadda tashrif buyurdi. Ushbu ko‘rsatkich o‘tgan yilning mos davri bilan solishtirilganda 415,6 ming nafarga yoki 13,3 foizga oshgan.
O‘tgan olti oyda O‘zbekistonga turistik maqsadlarda kelgan chet el fuqarolarining mamlakatlar kesimida soni quyidagicha:
- Qirg‘iziston — 1 million 57,4 ming nafar;
- Tojikiston — 1 million 46,2 ming nafar;
- Qozog‘iston — 668,4 ming nafar;
- Rossiya — 364,5 ming nafar;
- Turkmaniston — 67,2 ming nafar;
- Turkiya — 51,9 ming nafar;
- Xitoy — 28,7 ming nafar;
- Hindiston — 28,2 ming nafar;
- Janubiy Koreya — 19,6 ming nafar;
- Italiya — 17,7 ming nafar;
- boshqa davlatlar — 181 ming nafar.
Avvalroq O‘zbekistonga 2024-yilda mingdan ortiq britaniyalik turist yuborilishi rejalashtirilayotgani to‘g‘risida xabar berilgandi. O‘tgan yilning sakkiz oyi davomida mamlakatga xorijdan 4,3 million turist keldi, ulardan 1,4 milliard dollar tushum bo‘lgan.
Izoh (0)