O‘zbekistonga o‘tgan 5 oyda AQSHdan kelgan turistlar soni ochiqlandi

AQSHdan besh oyda O‘zbekistonga 10,6 ming nafar turist kelgani ma’lum qilindi. 

Statistika agentligi ma’lumotlariga ko‘ra, 2024-yilning yanvar-may oylari davomida AQSHdan O‘zbekistonga 10,6 ming nafar turist tashrif buyurgan. 5 oyda AQSHdan O‘zbekistonga kelgan turistlarning asosiy safar maqsadlari:

• dam olish – 8446 nafar 
• xizmat yuzasidan – 1089 nafar
• qarindoshlarni yo‘qlash – 832 nafar
• tijorat – 167 nafar
• boshqa maqsadlar – 136 nafar.

O‘zbekistonga 2024-yilning yanvar-may oylarida 2,8 milliondan ortiq chet el fuqarolari turistik maqsadda tashrif buyurgan. Bu ko‘rsatkich o‘tgan yilning mos davri bilan solishtirilganda 248,2 ming nafarga yoki 9,6 foizga oshgan. 2024-yilning 5 oyida O‘zbekistonga turistik maqsadlarda kelgan chet el fuqarolarining mamlakatlar kesimida soni quyidagicha:

• Tojikiston – 871,5 ming nafar;
• Qirg‘iziston – 857 ming nafar;
• Qozog‘iston – 498,2 ming nafar;
• Rossiya – 289,6 ming nafar;
• Turkmaniston – 53,8 ming nafar;
• Turkiya – 42,1 ming nafar;
• Hindiston – 23,2 ming nafar;
• Xitoy – 22,8 ming nafar;
• Italiya – 15,3 ming nafar;
• Janubiy Koreya – 15,1 ming nafar;
• Boshqa davlatlar – 148,7 ming nafar.

Avvalroq O‘zbekistonga 2024-yilda mingdan ortiq britaniyalik turist yuborilishi rejalashtirilayotgani to‘g‘risida xabar berilgandi. O‘tgan yilning sakkiz oyi davomida mamlakatga xorijdan 4,3 million turist keldi, ulardan 1,4 milliard dollar tushum bo‘lgan.