Statistika agentligi 2023-yilning 6 oyida O‘zbekiston fuqarolarining xorijga safar maqsadlari haqida ma’lumot berdi.
Unga ko‘ra, 2023-yilning yanvar—iyun oylarida 2 milliondan ortiq O‘zbekiston fuqarolari turistik maqsadlarda xorijga safar qilgan.
2023-yilning 6 oyida O‘zbekiston fuqarolarining xorijga safar maqsadlari:
- qarindoshlarni yo‘qlash — 1,7 million kishi;
- dam olish — 248,3 ming kishi;
- o‘qish maqsadida — 19,5 ming kishi;
- davolanish — 15,3 ming kishi;
- xizmat yuzasidan — 6,8 ming kishi.
Agentlik ma’lumotlariga ko‘ra, yanvar—may oylarida O‘zbekistonga 2,6 million nafar sayyoh kelgan, ularning eng ko‘pi Markaziy Osiyo davlatlari va Rossiyadan.
Sayyohlar soni va xizmatlar eksporti
Hisob-kitoblarga ko‘ra, 2019-yilda respublikaga kirib kelgan sayyohlar soni 2016-yilga nisbatan 3,3 baravarga oshgan. O‘sha yili qariyb 6,7 million nafar turist O‘zbekistonda sayohat qilgan. Buning natijasida 1,6 milliard dollarlik turistik xizmatlar eksporti amalga oshirilgan. Mazkur ko‘rsatkich 2016-yilda 430,7 million dollarga teng bo‘lgan.
2020-yilda mamlakatga 7 million nafardan ortiq xorijiy sayyoh tashrifi kutilgandi. Biroq og‘ir pandemiya sharoitida barcha sohalar qatori turizm ham qattiq zarbaga uchradi, sayyohlar soni sezilarli darajaga kamaydi. Yaʼni 2020-yilda respublikaga 1,5 million nafar sayyoh kelgan, 261 million dollarlik turizm xizmatlari eksport qilingan.
Izoh (0)