Статистика агентлиги маълумотига кўра, 2024 йил январь ноябрь ойларида 165,1 минг нафар чет эл фуқароси тижорат мақсадида Ўзбекистонга ташриф буюрган.
Бу кўрсаткич ўтган йилнинг мос даври билан солиштирганда 104 минг нафар ёки 2,7 баробар ошган. Юртимизга тижорат мақсадида энг кўп — 89 218 одам Туркманистондан келган.
Шунингдек, жорий йил 11 ойида Қирғиз Республикаси, Тожикистон, Россия, Афғонистон, Туркия, Хитой, Ҳиндистон, АҚШ ва Жанубий Корея тижоратчилари ҳам республикамиз билан ҳамкорлик қилишни маъқул топган.
Ўзбекистонга 2024 йилнинг январь октябрь ойларида қарийб 6,5 млн нафар чет эл фуқаролари туристик мақсадларда ташриф буюргани хабар берилганди.
Январь октябрь ойларида Ўзбекистонга туристик мақсадларда келган чет эл фуқаролари мамлакатлар бўйича қуйидагича тақсимланган:
- Тожикистон – 1 878,5 минг нафар;
- Қирғиз Республикаси – 1 870,3 минг нафар;
- Қозоғистон – 1 267,5 минг нафар;
- Россия – 686,7 минг нафар;
- Туркманистон – 145,0 минг нафар;
- Туркия – 95,7 минг нафар;
- Хитой – 57,7 минг нафар;
- Ҳиндистон – 55,9 минг нафар;
- Жанубий Корея – 36,5 минг нафар;
- Италия – 36,3 минг нафар;
- бошқа давлатлар – 366,6 минг нафар.
Изоҳ (0)