Turk aktyor va aktrisalari shaxsiy hayotida ro‘y berayotgan yangiliklar, hozirda yulduzlar nimalar bilan band ekani haqida ma’lumotlarni e’tiboringizga havola etamiz.
Pinar Denizning yangi suratlari obunachilarida qiziqish uyg‘otdi
Sentyabr oyida Italiyada Kaan Yildirimga turmushga chiqqan Pinar Deniz tez orada homilador ekanligini ma’lum qildi. Aktrisa hayoti tafsilotlari va homiladorligi qanday o‘tayotgani haqida xabarlar bilan o‘rtoqlashadi. Pinar Deniz hayotining ushbu muhim pallasi qanday o‘tayotgani haqida ijtimoiy tarmoqlarda ulashishni davom ettirmoqda.
Sila Turko‘g‘lu qallig‘i bilan Parijda
Yaqinda munosabatlarini oshkor qilgan juftlik Sila Turko‘g‘lu va Ata Ayildiz Fransiyaga jo‘nab ketishdi. Ular oshiqlar shahri — Parijda hordiq chiqarmoqda. Juftlik o‘zlarining Instagram akkauntida yangi suratlar bilan bo‘lishdi.
O‘zge O‘zajar ham xorijda dam olmoqda
“Qizil sharbat” seriali qahramoni O‘zge O‘zacar qallig‘i O‘g‘uz O‘zmen bilan Parijga yo’l oldi. Baxtiyor juftlik o‘zlarining ijtimoiy tarmoqlardagi akkauntlarida romantik dam olish kunlaridan xursand bo‘lgan lahzalarni baham ko‘rishdi.
Mashhurlikning salbiy tomoni
Aktyor Mert Turak, “Alvon g‘unchalar” serialida ijro etgan Naim afandi obrazi tufayli tomoshabinlar tomonidan kutilmaganda o‘ta salbiy munosabatga duch kelganini aytib berdi:
“Salbiy qahramonilarni filmda gavdalantirish oson ish emas. Kunlarning biridasavdo markazlarida ayollardan biri oldimga kelib, yuzomga tipurib ketgan. Bu holatdan men ham g‘azablangan, ham hayratda qolgan edim” dedi aktyor.
Burju Birijik vaqtincha kinoga qaytmaydi
2016-yilda Emre Yetkin bilan turmush qurgan 35 yoshli aktrisa Burju Birijik o‘tgan yilning iyul oyida Luna ismli qizini dunyoga keltirgan edi. Aktrisa qizi bilan sayr qilib yurganda jurnalistlar bilan uchrashib qoldi va ularning kinoga qaytish haqidagi savollariga quyidagicha javob berdi:
“Bu mavsumda men ekranlarda ko‘rinmayman, chunki hozirda faqatgina farzandim bilan vaqt o‘tkazishni istayman”.
Aktrisa o‘zining ijtimoiy tarmoqdagi sahifasida qizi bilan birga bo‘lgan suratlarini “Keling, siz bilan dunyo bo‘ylab sayohat qilaylik” degan izoh qoldirgan.
Kivanch Tatlitug‘ Londonga ko‘chib ketadimi?
Kivanch Tatlitug va Bashar Dizerning Londonga ko‘chib o‘tishga qaror qilgani haqidagi mish-mishlar yana avj oldi. Bu xabar ommaviy axborot vositalarida yoritilgan bo‘lsa-da, mashhurlar buni tasdiqlamagan. Manbalarga ko‘ra, Kivanch oilasi ulg‘ayib borayotgan o‘g‘lini xorijda ta‘lim olishni rejalashtirmoqda.
Eda Eje qizining chehrasini ko‘rsatdi
6 oy avval onalik maqomiga erishgan aktrisa Eda Eje birinchi marta qizi Mina Ipekning yuzini ko‘rsatdi. U qizining yuzini yashirmasdan u birgalikda tushgan suratini tarmoqqa joyladi. Muxlislar chaqaloqning otasiga juda o‘xshash ekanligini qayd etishdi.
Hande Erchel va Hakan Sabanji Nyu Yorkda
Hande Erchel qallig‘i Hakan Sabanji bilan AQSHda vaqt o‘tkazayotgan yangi suratlari bilan bo‘lishdi. Aktrisa Amerika-Turkiya jamiyati tomonidan tashkillashtirilgan “Turk kino va televideniye sanoati” gala-konsertining taqdirlash marosimi uchun Nyu-Yorkka tashrif buyurgan edi.
Tadbirdan keyin Hande va Hakan dam olish kunlarini uzaytirish uchun bir muddat Nyu Yorkda qolishdi.
Izoh (0)