“Muhtasham yuz yil” seriali Turkiya kino sanoatining haqiqiy yulduziga aylangan, aynan shu loyiha unda ishtirok etgan yoki debyut qilgan ko‘plab aktyor va aktrisalar karyerasida burilish yasagan. Quyida serialning bosh qahramonlari hozirda qayerda va qanday yashayotgani haqida ma’lumot beramiz.
Maryam Uzerli
Dunyodagi eng mashhur kanizaklardan biri rolini ijro etgan aktrisa Turkiyada emas, balki Berlinda yashaydi, chunki u asli germaniyalik. Aktrisa shahar markazidagi uch xonali keng va shinam xonadonda yashaydi, u tarmoqqa joylashtiradigan suratlarga ko‘ra, uyning ichki ko‘rinishi yorug‘ va yorqin rangda.
Uzerli kamdan kam hollarda kvartirasini ko‘rsatishi va shaxsiy hayoti haqida ma’lumot berishi mumkin. Aktrisaning ikki nafar farzandi bor. U to‘ng‘ich qizining otasi bilan ajrashgan, ikkinchi farzandining otasi esa ular bilan birga yashaydi. Manbalarga ko‘ra, aktrisaning turmush o‘rtog‘i amerikalik tadbirkordir.
Halit Ergench
Aktyor oilasining fotosuratlarini doim ham tarmoqdagi obunachilari bilan bo‘lishavermaydi, ammo ba’zan farzandlari bilan vaqt o‘tkazayotgan damlarni ko‘rsatishi mumkin. Ergench Istanbuldagi keng bog‘ va hovuzga ega hovlida yashaydi. Xonadon panoramali keng derazalar, devorlarda turli rasmlar, qulay mebellarga to‘la.
Nebahat Chehre
Aktrisa bu yil 80 yoshni qarshilaydi. Uning hayoti oson kechmagan, Chehre 15 yoshida uyini tark etdi va mustaqil yashay boshladi. Nebahatning birinchi turmush o‘rtog‘i Yilmaz Guney zolim er bo‘lgan va rafiqasining kinodagi muvaffaqiyatiga hasad qilgan. Bunday nikoh uzoqqa cho‘zilmagan, ammo ikkinchi turmush ham aktrisaga baxt olib kelmagan. Nebahatning farzandlari yo‘q, chunki u butun hayotini san’atga bag‘ishlagan. U Istanbuldagi shaxsiy uyida yashaydi, xonadondagi barcha detallar jiddiy va klassik uslubda joylashtirilgan.
Burak O‘zchivit
Turk kinoyulduzi Burak O‘zchivit o‘zining to‘rt qavatli hashamatli xonadonida oilasi bilan yashab kelmoqda. Bu uyda ko‘pchilikning orzusidagi sharoit muhayyo: u yerda katta suv havzasi, ko‘rkam bog‘, keng xonalar bor.
Uyning ichki dizayni uchun O‘zchivit oilasi hech qanday dizayner yollamagan — barchasini o‘zlari bajargan. Uyning dizayni minimalizm va klassika uslubida bo‘lib, och ranglardan foydalanilgan. Hech qaysi xonadagi devorda rasmlar, fotoramkalar yo‘q. Barcha mebellar tabiiy materiallar — yog‘och, granitlardan yasalgan. Xonadon shift va devorlari turli xildagi haykaltaroshlik bezaklari, g‘ishtin naqshlar bilan bezatilgan.
Pelin Karaxan
“Muhtasham yuz yil” serialida sulton Sulaymonning qizi rolini gavdalantirganidan keyin mashhurlikka erishgan turk aktrisasi Pelin Karaxan uch qavatli hashamatli uyda istiqomat qiladi. Keng, dizaynerlik mebellari bilan qoplangan hamda oilaviy dam olish mumkin bo‘lgan katta mehmonxonada uyning o‘ziga xosligi aks etgan. Aynan shu mehmonxonadan hovuzli terrasaga chiqsa bo‘ladi. Uyning oldidagi maydonda joylashgan bog‘ yashil maysalar bilan qoplangan.
Xonadonda zamonaviy dizaynerlik mebellari, suzish havzasi, ulkan terrasa, dam olish joyi, shinam oshxona mavjud. Aktrisa san’atni, etnik uslubni yaxshi ko‘radi. Pelin bergan intervyusida butun umri davomida shunday uy haqida orzu qilganini ta’kidlagan.
Okan Yalabik
Aktyor Istanbulning Yevropa qismidagi nufuzli hududda joylashgan xonadonda yashaydi. Uning uch qavatli uyi fotosuratlari deyarli hech qayerda yo‘q. Aktyor juda kamdan kam hollarda ijtimoiy tarmoqlarda o‘zi haqida ma’lumot beradi. Ammo turk ommaviy axborot vositalarida Yalabik bir necha bor kameralarga tushib qolgan. Hovli klassik uslubda qurilgan, unda katta balkon, keng bog‘ va bir nechta dam olish zonalari mavjud.
Izoh (0)