Turk seriallaridagi qahramonlarning ijrosi shunchalik tabiiy ko‘rinadiki, ular o‘rtasidagi his-tuyg‘ular samimiyligiga har bir tomoshabin ishonadi. Ammo sevimli teleserialimizda ko‘rgan munosabatlarimiz ekrandan tashqarida haqiqatdan yiroq bo‘ladi.
Biz guvohi bo‘lgan “muhabbat qissalari” ortida turli janjal va mojarolar bo‘lib o‘tgan bo‘lishi mumkin. Hayotda bir-biridan nafratlanadigan aktyor va aktrisalar serialda oshiqlar rolini ijro etishdek qiyin vazifaga duch kelishadi. Shunday vaziyatga qaramay, taslim bo‘lmaydigan va tomoshabinlar uchun ishlashda davom etadigan turk yulduzlarini e’tiboringizga havola etamiz.
Jansu Dere va Mehmet Akif Alakurt
Jansu Dere va Mehmet Akif Alakurt “Sila. Uyga qaytish” seriali orqali tanilgan. Ularning suratga olish maydonchasidagi ishonchli aktyorlik mahorati ommaviy axborot vositalari va muxlislarning muhokamasiga sabab bo‘ldi, biroq haqiqiy hayotda ularning munosabati aksincha bo‘lgan. Mehmet avvaldan unga Jansu unga to‘g‘ri kelmasligini va aktrisaning doimiy kechikib kelishi yoqmasligini aytgan. Dere esa Mehmetning doim qo‘pol munosabatda bo‘lganidan shikoyat qilgan.
Nurgul Yeshilchay va Yerkan Petekkaya
“Parchalangan yuraklar” serialida Nurgul Yeshilchay va Yerkan Petekkaya bir-biriga ko‘ngil qo‘ygan bosh qahramonlarni o‘ynagan. Biroq hayotda ular orasidagi munosabat tamoman buning aksi bo‘lgan va hattoki bir-birlaridan nafratlangan. Vaziyat shu darajaga yetganki, Nurgul karyerasiga ta’sir qilishidan ham qo‘rqmay, loyiha yakuniga yetmasdan tark etdi. Sababi Yerkan bilan ortiqcha bir daqiqa ham ishlamaslik edi. Ularning mojarosi qanday bo‘lgani hozircha noma’lum, biroq Yerkan Petekkaya aktrisani intervyuda haqorat qilgani uchun sudga ham bergan.
Burak O‘zchivit va Neslihan Atagul
Evjen va O‘zchivit juftligi oilaviy tarzda suratga olish maydonchasida kelishmovchiliklarga sabab bo‘lishi bilan hammani hayratda qoldirmoqda. “Sevgi iztirobi” serialida ajoyib juftlik tarzida tomoshabinlar qalbini zabt etgan Neslihan hamda Burakning sahna ortidagi nizolari rejissyorlarni ham qiyin ahvolga solib qo‘ygan. Bunga aktyorning rafiqasi Evjenning rashki sabab bo‘lgan. Burak rafiqasini qanchalik xotirjam qilishga urinmasin, hammasi o‘zining partnyoriga issiq qahva uzatganidan keyin boshlangan. Aynan shu voqeadan so‘ng Neslihan Burak bilan birga tushishi kerak bo‘lgan sahanalarni ijro etishdan bosh tortgan. Ijodiy jamoa ish shunday davom etsa, Fahriye keyingi safar qahvani Neslihanning yuziga sepib yuborishdan ham qaytmasligiga ishongan. Shuning uchun Nihon va Kamol sahnalarini alohida-alohida suratga olib, montajning ajoyib mo‘jizalaridan foydalanishiga to‘g‘ri kelgan. Neslihan esa Burak bilan munosabatlarini to‘xtatgan, ular bugungi kunda bir-birini ko‘rsa ham gaplashmaydi.
Kivanch Tatlitug‘ va Fahriye Evjen
“Kurt Seit va Aleksandra” serialida juftlik rolini ajoyib tarzda namoyon etgan Fahriye va Kivanch ham ekran ortida unchalik iliq munosabatlarga ega bo‘lmagan. Aktrisa o‘zining murakkab harakteri bilan suratga olish guruhining a’zolariga kun bermagan. Kivanchning so‘zlariga ko‘ra, hammaga aql o‘rgatishga odatlangan Fahriye aslida unchalik ham iste’dodli bo‘lmagan. U bu kabi takabbur xonim bilan hech qachon birga ishlamasligini ma’lum qilgan.
Jan Yaman va Selin Soyder
Aktyor Jan Yaman o‘zining injiq xarakteri bilan mashhur. “Qaysi birimiz sevmadik” serialida go‘zal sobiq juftlik rolini ijro etgan Selin hamda Jan sahna ortida bir necha bor ziddiyatga duch kelgan. Hattoki Jan qizga qarata stakan uloqtirganini ham rad etmagan. Bunisi ham yetmaganidek, u o‘z partnyorini aktrisalik qobiliyati yo‘qligini ta’kidlab, haqoratlagan. Shundan so‘ng Selin loyihani tark etishga qaror qilgan.
Izoh (0)