Nigeriya o‘zining razvedka va hujumchi dronlarini ishlab chiqarishni boshladi. Bu haqda ZBC telekanali ma’lum qildi.
Ular orasida qanotlari kengligi 3,9 m, parvoz davomiyligi yetti-sakkiz soat, maksimal uchish og‘irligi 35 kg, tezligi 80 km/soat bo‘lgan AYBARS-II patrul dronlar bor.
Shuningdek, maksimal uchish vazni 15 kg ni tashkil etadigan va sakkiz soatgacha ucha oladigan SZK-290 dronlari ham ishlab chiqarilmoqda.
Patroller-20 va MIKIYA-20 dronlarining uchish og‘irligi 5-6 kg ni tashkil qiladi va ular uch soatgacha havoda qolishi mumkin.
ADAN 70 hujumchi dron quruqlikdagi obyektlarni nishonga olish uchun 60 millimetrlik oltita minomyot bilan jihozlangan. U yarim soatgacha ucha oladi.
Oturukpokpo droni yuklarni 20 km gacha bo‘lgan masofaga yetkazish uchun mo‘ljallangan, maksimal uchish og‘irligi 55 kg.
Avvalroq Ukraina rasmiylari AQSH tomonidan taqdim etilgan dronlar ishlamay qolayotganidan va ularning aksariyati radioelektron urush vositalarini yengib chiqa olmasligidan shikoyat qilgandi.
Ukrainalik harbiylar, shuningdek, qurilmalar havoga ko‘tarilishida qiyinchiliklar kuzatilayotganini qo‘shimcha qilgan.
“Baykar Defence kompaniyasi bosh direktori Haluk Bayraktar bilan o‘tkazilgan muzokaralar alohida va muhim voqea bo‘ldi. Tomonlar mamlakatimiz hududida taktik uchuvchisiz aviatsiya tizimlari va operativ darajadagi o‘q-dorilarni ishlab chiqarishni mahalliylashtirish bo‘yicha yo‘l xaritasini tayyorlash to‘g‘risida kelishuvga erishdi”, deya xabar bergan Qozog‘iston Mudofaa vazirligi.
Bayraktar dronlarini ishlab chiqarishni mahalliylashtirish Qozog‘istonga nafaqat milliy xavfsizlik darajasini oshirish, balki yuqori texnologik harbiy ishlanmalar sohasida o‘z mavqeyini mustahkamlash imkonini berishi kutilayotgani ham qo‘shimcha qilingan.
Izoh (0)