Turkiya va Amerika uchuvchisiz uchar qurilmalari Rossiya havo hujumiga qarshi mudofaa tizimlariga nisbatan samarasiz bo‘lgani tufayli, Ukraina qurolli kuchlari ulardan kamroq foydalana boshladi, deb yozadi “RBK”. Bu haqda Business Insider ukrainalik harbiy xizmatchialr va ekspertlarga tayanib xabar bergan.
Nashr suhbatlashgan mutaxassislar fikricha, dronlar samarali emas, chunki Rossiyaning radioelektron kurash tizimlari va havo hujumiga qarshi mudofaa tizimlari ularni tezkorlik bilan aniqlab, urib tushiradi.
Ukraina jangovar harakatlar borayotgan hududlarda Amerikaning Switchblade va Phoenix Ghost dronlaridan foydalanadi, portal ularning har birini bir necha ming dollarga baholamoqda. Shuningdek, Vashington Ukraina hukumatiga Puma uchuvchisiz uchar qurilmalarini ham bermoqchi edi. Turkiya esa Kiyevga Bayraktar TB2 dronlarini yetkazib bermoqda, ularning narxi 1—2 million dollar oralig‘ida.
Bundan tashqari, AQSH Ukrainaga MQ-1C Grey Eagle razvedka-hujum dronlarini yubormoqchi ekani xabar berilgandi. Portal hisob-kitoblariga ko‘ra, ularning qiymati 10 million dollarga teng. Uning ma’lumotlariga ko‘ra, Kiyev AQSH va ittifoqchilaridan Ukraina harbiylariga dronlar o‘rniga zamonaviy qiruvchilarni yetkazib berishni talab qilmoqda.
Rossiyaning Ukraina bilan chegaradosh hududlari gubernatorlari uchuvchisiz uchar qurilmalar urib tushirilgani haqida muntazam xabar berib turadi. Rossiyaning radioelektron kurash tizimlari operator va dron o‘rtasidagi boshqaruv va ma’lumotlar uzatish kanallarini, shuningdek, sun’iy yo‘ldosh navigatsiyasini to‘sib qo‘yish orqali uchuvchisiz uchar qurilmalar bilan kurashadi.
Izoh (0)