Turkiyaning Titra Teknoloji kompaniyasi yangi Deli kamikadze dronini ishlab chiqdi, u 25-oktabr kuni Istanbuldagi SAHA Expo mudofaa ko‘rgazmasida birinchi marta taqdim etildi. Bu haqda Daily Sabah xabar bermoqda.
Mutaxassislar sinovlarni yakunlamoqda, ularning hisob-kitoblariga ko‘ra, ushbu qurilma 2022-yil oxirigacha iste’mol uchun yetkazib berilishi mumkin.
Dron avtonom va qo‘ldan boshqarish rejimlarida harakatlana oladi, uni olib yurish oson bo‘lib, 15 daqiqa ichida foydalanish uchun tayyor holatga keltirish mumkin. Uchuvchisiz uchar qurilma radioelektron kurash vositalariga qarshi turadigan uskunalar bilan jihozlanadi.
Dron soatiga 180 kilometr tezlikka erisha oladi, 3,5 ming metrgacha balandlikka ko‘tarilishi mumkin. U janglarda 150—500 metr balandlikda qo‘llash mumkin bo‘ladi. Qurilma 3,1 kilogramm vaznga ega jangovar o‘qlarni tashiy oladi.
Avvalroq Ukrainadagi urush turk dronlariga talabning ortishiga xizmat qilayotgani xabar berilgan edi. Bundan tashqari, Turkiyaning Bayraktar TB2 zarba beruvchi uchuvchisiz uchar qurilmalar ishlab chiqarishga ixtisoslashgan Baykar kompaniyasi Ukrainada o‘z bo‘linmasini ochgan va ushbu mamlakatda zavod qurishga tayyorlanmoqda.
Izoh (0)