Нигерия ўзининг разведка ва ҳужумчи дронларини ишлаб чиқаришни бошлади. Бу ҳақда ZBC телеканали маълум қилди.
Улар орасида қанотлари кенглиги 3,9 м, парвоз давомийлиги етти-саккиз соат, максимал учиш оғирлиги 35 кг, тезлиги 80 км/соат бўлган АYBARS-II патрул дронлар бор.
Шунингдек, максимал учиш вазни 15 кг ни ташкил этадиган ва саккиз соатгача уча оладиган SZК-290 дронлари ҳам ишлаб чиқарилмоқда.
Patroller-20 ва МIKIYA-20 дронларининг учиш оғирлиги 5-6 кг ни ташкил қилади ва улар уч соатгача ҳавода қолиши мумкин.
АDАN 70 ҳужумчи дрон қуруқликдаги объектларни нишонга олиш учун 60 миллиметрлик олтита миномёт билан жиҳозланган. У ярим соатгача уча олади.
Oturukpokpo дрони юкларни 20 км гача бўлган масофага етказиш учун мўлжалланган, максимал учиш оғирлиги 55 кг.
Аввалроқ Украина расмийлари АҚШ томонидан тақдим этилган дронлар ишламай қолаётганидан ва уларнинг аксарияти радиоэлектрон уруш воситаларини енгиб чиқа олмаслигидан шикоят қилганди.
Украиналик ҳарбийлар, шунингдек, қурилмалар ҳавога кўтарилишида қийинчиликлар кузатилаётганини қўшимча қилган.
“Baykar Defence компанияси бош директори Ҳалук Байрактар билан ўтказилган музокаралар алоҳида ва муҳим воқеа бўлди. Томонлар мамлакатимиз ҳудудида тактик учувчисиз авиация тизимлари ва оператив даражадаги ўқ-дориларни ишлаб чиқаришни маҳаллийлаштириш бўйича йўл харитасини тайёрлаш тўғрисида келишувга эришди”, дея хабар берган Қозоғистон Мудофаа вазирлиги.
Bayraktar дронларини ишлаб чиқаришни маҳаллийлаштириш Қозоғистонга нафақат миллий хавфсизлик даражасини ошириш, балки юқори технологик ҳарбий ишланмалар соҳасида ўз мавқейини мустаҳкамлаш имконини бериши кутилаётгани ҳам қўшимча қилинган.
Изоҳ (0)