Ukraina Bayraktar Akinji nomi bilan mashhur Bayraktar dronlarining takomillashtirilgan versiyasini olishi mumkin. Bu haqda Turkiyaning Baykar Defence mudofaa kompaniyasi rahbari Haluk Bayraktarga tayanib, “RBK” xabar berdi.
Bu turdagi dronlar allaqachon Turkiya, Pokiston va Liviya armiyasiga xizmat ko‘rsatmoqda.
“Bayraktar Akinjiga kelsak, ko‘rib chiqilayotgan masala”, — dedi Haluk Bayraktar.
Uning ta’kidlashicha, zavod ishchilari kecha-yu kunduz Ukraina uchun dronlar yig‘adi va qurilmalar jang maydonida faol foydalaniladi. Ukrainalik harbiylar kompaniya jarayonlaridan xabardor.
Bayraktar Akinji qanotli raketalarni uchirishga qodir Turkiyaning jangovar droni. Uning uzunligi 12,2 metr, balandligi 4,1 metr, qanotlari kengligi 20 metrni tashkil qiladi. Yuk ko‘tarish — 1350 kilogramm. Maksimal parvoz davomiyligi 24 soat, maksimal balandligi taxminan 12 ming metr.
Dron 8 dan 100 kilometrgacha ucha oladigan “havo-havo”, shuningdek, “havo-yer” raketalarini uchira oladi.
Izoh (0)