Niderlandiyaning “Ayaks” jamoasi 2025-2026-yilgi mavsumda 1928-yildan 1990-yilgacha ishlatilgan logosi ostida maydonga tugadi. Bu haqda klub matbuot xizmati xabar berdi.
Maʼlum qilinishicha, logotipda qadimiy yunon afsonalari qahramoni Ayaks Telamonid tasvirlangan.
Muxlislarimizning katta qismi 125-yillik yubileyimizga atab, eski logomizga qaytishimizni istashgandi. Biz esa bu uchun ideal vaqtni topdik. Tarixdan maʼlumki, biz “Ayaks” klubi uchun qadriyatlariga xiyonat qilmaganmiz. Mana klub ushbu prinsiplarni qo‘llab-quvvatlagan holda nimalarga qo‘l uryapmiz. Klassik logoga qaytishimiz – klub tarixidan yana bir bor zavq olishimiz va kelajak uchun katta nigoh qaratishimizga yordam beradi”, deydi “Ayaks” bosh direktori Menno Gilen.
Shuningdek, “Ayaks”ning 125 yillik yubileyi doirasida klub afsonalari “Real Madrid” afsonalari bilan o‘yinda 2:1 hisobida g‘alabaga erishdi.
Uchrashuv “Yohan Kroyff Arena”da bo‘lib o‘tdi. Mazkur bahsni stadiondan 57 ming tomoshabin kuzatib bordi.
“Ayaks” afsonalari safida Edvin van der Sar, Frank de Bur, Klarens Zeedorf, Uesli Sneyder, Patrik Klyuyvert, Rafael van der Vart va boshqalar o‘ynadi. Lui van Gal ushbu jamoaga bosh murabbiylik qildi.
“Real Madrid” afsonalari safida esa Iker Kasilyas, Antonio Nunes, Ivan Campo, Luis Milla, Kristian Karembeu, Stiv Makmanaman, Fernando Morientes, Fransisko Pavon, Ruben de la Red va boshqalar harkat qildi.
Izoh (0)