“Barselona”, “Milan”, “PSJ”, “Manchester Yunayted” va Shvetsiya terma jamoasining sobiq hujumchisi Zlatan Ibragimovich Ukraina vakili Oleksandr Usik bilan jangi oldidan britaniyalik bokschi Tayson Fyuriga murojaat qildi.
“Umid qilamanki, sen ajoyib mashg‘ulot o‘tkazding.Ko‘rinishing ajoyib. Jangdan zavqlaning — ishonchim komilki, sen doim bajarishga o‘rgangan ishingni qilasan. Sen tarix yaratasan. Senga doim o‘zing kabi bo‘lishni va bizni xursand qilishingni so‘rayman. Har doimgidek g‘alaba qozon. Biz esa zavq bilan tomosha qilamiz. O‘zingni asra”, — deb yozdi Ibragimovich ijtimoiy tarmoqdagi sahifasida.
Eslatib o‘tamiz, 42 yoshli Ibragimovich 2023-yilning yozida faoliyatini yakunlashini e’lon qilgan edi. 1999-yilda boshlangan professional faoliyati davomida futbolchi “Malmyo”, “Ayaks”, “Yuventus”, “Inter”, “Barselona”, “PSJ”, “Manchester Yunayted”, “Los-Anjeles Gelaksi” va “Milan” klublarida o‘ynagan.
Zlatan klublardagi profesional faoliyati davomida 637 uchrashuvda qatnashib 405 bora raqiblar darvozasiga yo‘l topgan.
Fyuri va Usik o‘rtasidagi jang 18-may kuni Saudiya Arabistonida bo‘lib o‘tadi.
Izoh (0)