“Liverpul” Yevropa Chempionlar Ligasi finalidagi mag‘lubiyat sabab 2022/23-yilgi mavsum qur’asida 2-savatchaga tushib ketdi.
Mersisayd jamoasi YChL g‘olibiga aylangan taqdirda birinchi savatdan joy olgan bo‘lardi. Uning o‘rnini “Ayaks” egallagan.
Shu tariqa Chempionlar Ligasi guruh bosqichiga yo‘llanma olgan jamoalar quyidagi savatchalarga joylashdi:
Birinchi savatcha: “Real Madrid” (YChL g‘olibi va Ispaniya chempioni), “Ayntraxt” (Yevropa Ligasi g‘olibi), “Manchester Siti” (Angliya chempioni), “Milan” (Italiya chempioni), “Bavariya” (Germaniya chempioni), “PSJ” (Fransiya chempioni), “Portu” (Portugaliya chempioni) va “Ayaks” (Niderlandiya chempioni);
Ikkinchi savatcha: “Liverpul”, “Chelsi”, “Barselona”, “Yuventus”, “Atletiko”, “Sevilya”, “Leypsig” va “Tottenhem”;
Uchinchi savatcha: “Borussiya D”, “Zalsburg”, “Shaxtyor”, “Inter”, “Napoli”, “Sporting” va “Bayer”.
To‘rtinchi savatchada hozircha faqat “Bryugge” va “Seltik” jamoalar bor. “Marsel” uchinchi yoki to‘rtinchi savatchadan joy olishi mumkin.
Eslatib o‘tamiz, Yevropa chempionatlarida 2021/22-yilgi mavsum yakunlariga ko‘ra 26 ta jamoa YChL kelasi mavsumiga to‘g‘ridan to‘g‘ri yo‘llanma qo‘lga kiritgan. Yana olti jamoa nomi pley-off bahslaridan keyin ma’lum bo‘ladi.
Izoh (0)