Yevropa Chempionlar Ligasi 2022/23-yilgi mavsumining barcha ishtirokchilari ma’lum bo‘ldi. Bugun turnirga qur’a tashlanadi

Yevropa Chempionlar Ligasining 2022/23-yilgi mavsumi guruh bosqichida ishtirok etadigan barcha jamoalar nomi ma’lum bo‘ldi.

23-24-avgust kunlari pley-offning javob bahslaridan keyin musobaqaning hal qiluvchi bosqichiga yo‘llanma olgan olti jamoa nomi ma’lum bo‘ldi: “Benfika”, “Reynjers”, “Viktoriya Plzen”, “Kopengagen”, “Dinamo Zagreb”, “Makkabi Xayfa”

Musobaqaga 25-avgust kuni qur’a tashlanadi. Marosim Toshkent vaqti bilan 21:00 da boshlanadi.

Savatchalar bilan tanishing:

Birinchi savatcha: “Real Madrid” (Ispaniya), “Ayntraxt”, “Bavariya” (ikkisi Germaniya), “Manchester Siti” (Angliya), “Milan” (Italiya), “PSJ” (Fransiya), “Portu” (Portugaliya), “Ayaks” (Niderlandiya);

Ikkinchi savatcha: “Liverpul”, “Chelsi”, “Tottenhem” (barchasi Angliya), “Barselona”, “Atletiko”, “Sevilya” (barchasi Ispaniya), “Yuventus” (Italiya), “Leypsig” (Germaniya);

Uchinchi savatcha: “Borussiya D”, “Bayer” (ikkisi Germaniya), “Zalsburg” (Avstriya), “Shaxtyor” (Ukraina), “Inter”, “Napoli” (ikkisi Italiya), “Sporting”, “Benfika” (ikkisi Portugaliya).

To‘rtinchi savatcha: “Marsel” (Fransiya), “Bryugge” (Belgiya), “Seltik”, “Reynjers” (ikkisi Shotlandiya), “Viktoriya Plzen” (Chexiya), “Kopengagen” (Daniya), “Dinamo Zagreb” (Xorvatiya), “Makkabi Xayfa” (Isroil).

Qayd etish kerak, Rossiya va Belarus klublari musobaqadan chetlatilgan.