Xoan Laporta Yevropa Superligasiga qo‘shiluvchi klublarni sanab o‘tgandi. Qator klublar esa loyihaga qo‘shilmasligini ma’lum qildi

“Roma”, “Marsel”, “Feyenoord” Yevropa Superligasiga qo‘shilmasligini ma’lum qildi.

“Barselona” prezidenti Xoan Laporta Yevropa Superligasi g‘oyasiga haqida gapirayotganda unga qo‘shiladigan jamoalar nomini ham sanab o‘tdi. Ro‘yxatdan “Real”, “Barselona”, “Inter”, “Milan”, “Roma”, “Napoli”, “Portu”, “Sporting”, “Benfika”, “Ayaks”, “Feyenoord”, “PSV”, “Marsel”, “Bryugge” va “Anderlext” kabi jamoalar o‘rin olgandi.

Yevropa sudining Superliga ishi bo‘yicha qarori chiqdi, ommaga ma’lum qilamizki, “Roma” hech qanday Superliga deb ataluvchi loyihani qo‘llab-quvvatlamaydi.

Klub, shuningdek, ushbu masala bo‘yicha o‘z pozitsiyasini hech qachon qayta ko‘rib chiqmagasligini ta’kidlaydi”, — deyiladi rimliklar bayonotida.

“Biz dekabr oyidayoq o‘z pozitsiyamizmi ma’lum qilgandik va u hamon o‘zgargani yo‘q”, — deb javob berdi “Marsel” klubi.

Niderlandiyaning “Feyenoord” jamoasi ularni Yevropa Superligasiga bog‘layotganligidan hayratda ekanligi, bu mish-mishdan boshqa narsa emasligini ta’kidladi.