“Manchester Yunayted” bosh murabbiyi Erik ten Hag ingliz klubida faoliyatini davom ettiradi.
The Athletic xabariga ko‘ra, “qizil iblislar” kelasi mavsumni jamoa boshqaruvida ten Hag bilan boshlashni rejalashtirmoqda. “Manchester Yunayted”ning yangi egalari ten Hagga sovrinlar yutish uchun yetarli shart-sharoit berilmagan deb hisoblamoqda. Bundan tashqari, ular moliyaviy jihatni ham hisobga olishmoqda: bosh murabbiyni ishdan bo‘shatish va yangi murabbiy izlash qo‘shimcha sarmoyalarni talab qiladi.
Ten Hag 2022-yilning yozida Niderlandiyaning “Ayaks” klubidan kelib “Manchester Yunayted” bosh murabbiyiga aylangan edi. Umumiy hisoblaganda, 53 yoshli mutaxassis barcha turnirlarda 109 ta o‘yin o‘tkazib, shundan 65 tasida jamoasi bilan g‘alaba qozongan, 15 tasida durang o‘ynagan va 29 tasida mag‘lubiyatga uchragan.
Eslatib o‘tamiz, “qizil iblislar” 34 uchrashuvda 54 ochko jamg‘argan holda APL turnir jadvalida oltinchi o‘rinda bormoqda va Chempionlar Ligasi yo‘llanmasi taqdim etuvchi o‘rindan 13 ochkoga ortda qolmoqda.
Izoh (0)