Shimoliy Koreya tashqi ishlar vaziri Choy Song Xining aytishicha, Pxenyan Ukraina mojarosida Rossiyaga yordam berishga tayyor.
“Ishontirib aytamanki, biz g‘alabali kungacha rossiyalik o‘rtoqlarimizning yonida turib beramiz”, dedi Choy Song Xi Rossiya tashqi ishlar vaziri Sergey Lavrov bilan muzokaralar chog‘ida.
“Maxsus harbiy operatsiya boshidanoq KXDR raisi Kim Chen In hech kimga quloq solmaslik, Rossiya armiyasi va rus xalqini izchil, kuchli qo‘llab-quvvatlash va yordam berish haqida ko‘rsatma bergan”, dedi KXDR tashqi ishlar vaziri.
Uning taʼkidlashicha, Qo‘shma Shtatlar va G‘arb davlatlari Kiyevni qurol-yarog‘ bilan taʼminlash orqali “Ukrainada urush uzoq davom etishini ta’minlashga harakat qilmoqda”.
Avvalroq Shimoliy Koreya Rossiyaga harbiy askarlar jo‘natgani xabar qilingandi.
"Qayd etilishicha, Shimoliy Koreya tanlangan harbiy xizmatchilarning oilalarini “ularni samarali nazorat qilish va mish-mishlar bilan puxta kurashish uchun” izolyatsiyada saqlamoqda", deb yozdi Reuters Janubiy Koreya Milliy razvedka xizmatiga tayanib.
Izoh (0)